Բայդեն-Պուտին հանդիպմանն ընդառաջ փակվել է Ժնևի օդային տարածքն անօդաչու թռչող սարքերի համար. Հանդիպումը կանցկացվի հունիսի 16-ին, «Լա գրանժ» զբոսայգում գտնվող նույնանուն վիլլայում, որը փշալարերով է պատվել
Ժնևի իշխանությունները փակել են քաղաքի օդային տարածքն անօդաչու թռչող սարքերի համար: Ինչպես հայտնում է lenta.ru-ն, նման որոշում է ընդունվել ՌԴ նախագահ Վլադիմիր Պուտինի և ԱՄՆ նախագահ Ջո Բայդենի հանդիպմանն ընդառաջ անվտանգության միջոցառումների շրջանակում:
Հիշեցնենք, հանդիպումը կանցկացվի հունիսի 16-ին, «Լա գրանժ» զբոսայգում գտնվող նույնանուն վիլլայում, որը փշալարերով է պատվել:
Որոշումն արդեն ուժի մեջ է և գործում է ամբողջ Ժնևի կանտոնի համար: Որոշումը խախտողներին տուգանք է սպառնում: Բացի այդ, ոստիկանները կառգրավեն նրանց անօդաչու սարքերը: