Այս պահին շատ բարձր մակարդակի միջոցառումներ են արվում, որ կարողանանք տղերքին հետ բերել. Հակոբ Ավետյան
Այսօր՝ վաղ առավոտյան, ականապատման աշխատանքներ իրականացնելիս գերեվարված 6 զինծառայողը գերի են ընկել Գեղարքունիքի մարզի Կութ գյուղի վերևի սահմանից: Գեղամասարի համայնքապետ Հակոբ Ավետյանի տվյալներով, այդ պահին նշված հատվածում բացի 6 զինծառայողից այլ զինծառայողներ չեն եղել:
Գերեվարման հանգամանքները պարոն Ավետյանը համարեց ռազմական գաղտնիք ու չցանակացավ խոսել այդ մասին:
«Այս պահին շատ բարձր մակարդակի միջոցառումներ են արվում, որ կարողանանք տղերքին հետ բերել »,- irakanum.am-ին ասաց Հակոբ Ավետյանը:
Ըստ նրա՝ իրավիճակը բավականին լարված է, հնչում են կրակոցներ ու նաև փոխհրաձգություն. «Փոխհրաձգությունն ինտենսիվ չէ, ուղղակի այս պահին լարվածության շատ բարձր աստիճան է, պայթունավտանգ իրավիճակ է, տեսնենք՝ ինչին կհանգեցնի»:
Մեր զրուցակցի բնորոշմամբ, վեց հայ զինծառայող ներին առևանգել են, ոչ թե գերեվարել, մեր դիտարկմանը, այսինքն տղաները չեն էլ հասցրել պաշտպանական գործողությունների՞ դիմել, համայնքապետն ասաց. «Չէ ունեցել ենք, եկեք մեր տղաների աշխատանքը, մեր բանակի գործողությունները չթերագնահատենք, հաշվի առնենք, որ մյուս կողմից էլ է բանակ կանգնած, հիմա այս գործողությունների արդյունքում կարող է ինչ-որ իրավիճակ ստեղծվի: Մերոնք շատ ակտիվ ամեն ինչ անում են: Եթե պատերազմական վիճակ է, արվում են գործողություններ, կարող է լինել նաև նման իրավիճակի առաջացում. այս պահին էլ պատերազմական վիճակում ենք»:
Մեր զրուցակիցը չցանկացավ գնահատել, թե ինչի արդյունքում է թշնամին ՀՀ տարածքում ու ինչի արդյունքում է հայ զինծառայողին գերեվարում ՀՀ սահմանից. «Արդեն քաղաքական հայտարարություններ կլինեն, միանշանակ մեր կողմից շատ թերացումներ կան, եթե հայտնվել են այստեղ ու մինչև հիմա հետ չեն շպրտվել, պարզ է, որ մեր կողմի թերացումն է: Բայց կարող է այդ ուղղությամբ աշխատանքներ են տարվում, ոչ մեկս տեղյակ չենք, ուրախ կլինեմ, որ վաղը անակնկալ լինի, պարզվի, որ մեր կառավարությունն այնպիսի բան արեց, որ այս ամեն հարցի լուծումը տվեց»:
Աղբյուրը՝ Irakanum.am