Փոխհրաձգություն է տեղի ունեցել Հորդանանի արևմտյան ափին. կան վիրավորներ

Հորդանան գետի Արևմտյան ափում խոշոր փոխհրաձգություն է տեղի ունեցել, որի ժամանակ իսրայելական բանակի երկու զինծառայող է վիրավորվել, մեկ պաղեստինցի մահացել է:

Ինչպես փոխանցում The Times of Israel-ը, իսրայելցի զինվորականների և պաղեստինցիների միջև բախումներ են տեղի ունեցել Ռամալլահ պաղեստինյան քաղաքի մուտքի մոտ:

Բացի այդ, հաղորդվում է, որ անկարգություններ են տեղի ունենում Արևելյան Երուսաղեմում: Աղբյուրի տվյալներով՝ ոստիկանների կողմից Երուսաղեմի հին քաղաքի Դամասկոսյան դարպասների մոտից հետ մղված հարյուրավոր պաղեստինցիներ անկարգություններ են հրահրել Շեյխ Ջարրահ թաղամասում՝ լուսաձայնային նռնակների կիրառմամբ: Ոստիկանությունը փորձում է իրավիճակն իր վերահսկողության տակ վերցնել:

Հիշեցնենք, որ պաղեստինցիների և իսրայելցիների միջև անցյալ շաբաթ սկսված բախումների հետևանքով պաղեստինյան կողմում զոհերի թիվը հասել է 212-ի, որոնցից 61-ը երեխա և 34-ը կին, վիրավորվել է մոտ 1500 պաղեստինցի, իսկ իսրայելական կողմում զոհերի թիվը 10-ն է, այդ թվում՝ 2 երեխա։ Երուսաղեմում հուզումները սկսվել են մայիսի 7-ին: Արաբ երիտասարդների և ոստիկանության միջև բախումները բռնկվել են մայիսի 8-ի երեկոյան, այնուհետև շարունակվել՝ տարածվելով Տաճարի լեռան և Ալ-Աքսա մզկիթի տարածքում: Դրանք իրենց գագաթնակետին հասել են մայիսի 10-ին, երբ հրեաները նշում են Երուսաղեմի օրը: Իսրայելի բանակը հայտարարել Է, որ ոչնչացրել Է ՀԱՄԱՍ-ի հետախուզության առանցքային դեմքերի, այդ թվում՝ ՀԱՄԱՍ-ի ռազմական հետախուզության անվտանգության բաժնի ղեկավարին ու նրա տեղակալին: