Միջազգային կազմակերպությունները ՄՔԴ-ին կոչ են անում հետաքննել Իսրայելի «ռազմական հանցագործությունը»
«Լրագրողներ առանց սահմանների» (RSF) եւ Amnesty International հասարակական կազմակերպությունները դիմել են Միջազգային քրեական դատարանին՝ խնդրելով, որպես հնարավոր «ռազմական հանցագործություն», հետաքննել իսրայելի կողմից այն շենքի ռնբակոծությունը, որտեղ տեղակայված էին ԶԼՄ-ների ներկայացուցիչները, այդ թվում՝ «Ալ Ջազիրան» եւ «Ասոշիեյթիդ պրեսը»:
«Զանգվածային լրատվական միջոցների վրա կանխամտածված հարձակումը ռազմական հանցագործություն է»,- ասել է RSF-ի գլխավոր քարտուղար Քրիստոֆ Դելուարը:
«Դիտավորությամբ ոչնչացնելով զանգվածայի լրատվական միջոցները՝ Իսրայելի պաշտպանության ուժերը ոչ միայն անընդունելի նյութական վնաս են հասցնում լրատվական գործունեությանը: Նրանք նաեւ, ավելի լայն իմաստով, խոչընդոտում են ԶԼՆ-ներում այն հակամարտության լուսաբանումը, որն ուղղակիորեն առնչվում է քաղաքացիական բնակչությանը»,- հավելել է նա:
Հիշեցնենք, որ մայիսի 15-ին իսրայելական չորս հրթիռներ հարված էին հասցրել Գազայում 11 հարկանի շենքին, ինչի հետեւանքով շենքն ամբողջովին ավերվել էր։ Այնտեղ տեղակայված էին միջազգային ԶԼՄ-ների գրասենյակները։