Դպրոցի տնօրենը կընտրվի կառավարման խորհրդի ձայների առնվազն երկու երրորդով. ԿԳՄՍՆ-ն նոր նախագիծ է ներկայացրել հանրային քննարկման

ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել «Պետական հանրակրթական ուսումնական հաստատության տնօրենի ընտրության (նշանակման) կարգում» փոփոխություն կատարելու մասին նախագիծ: Առաջարկվում է խմբագրել ՀՀ կառավարության 2010 թվականի մարտի 4-ի N 319-Ն որոշման հավելվածը և սահմանել տնօրենի թափուր տեղի մրցույթի կազմակերպման նոր ժամկետներ, ինչպես նաև փոխել հաղթող ճանաչելու համար նախատեսված ձայների հարաբերակցությունը: Մասնավորապես հաղթող ճանաչվելու համար հավակնորդը պետք է ստանա կառավարման խորհրդի անդամների առնվազն երկու երրորդի «կողմ» ձայները (գործող կարգով տնօրենն ընտրվում էր ձայների մեծամասնությամբ): Այս մասին հայտնում են ԿԳՄՍՆ-ից։

Հաշվի առնելով, որ այս տարվա ապրիլից ուժի մեջ մտած կարգավորմամբ` հանրակրթական դպրոցի կառավարման խորհուրդը բաղկացած է 9 անդամից, տնօրեն ընտրվելու համար կպահանջվի առնվազն 6 «կողմ» ձայն: Հիշեցնենք, որ կառավարման խորհրդի 9 անդամից 5-ը նշանակվում են լիազոր մարմնի, 4-ը՝ մանկավարժական և ծնողական խորհուրդների կողմից` 2-ական ներկայացուցչով: Նոր կարգավորման արդյունքում ո՛չ լիազոր մարմնի, ո՛չ էլ դպրոցի ներկայացուցիչները չեն կարող միանձնյա որոշել, թե ով կստանձնի դպրոցի տնօրենի թափուր պաշտոնը: Այսպիսով` վերացվում է այն պրակտիկան, երբ կառավարման խորհրդի ձայները կիսվելու դեպքում տնօրենը նշանակվում էր ԿԳՄՍ նախարարի (ավագ դպրոցների պարագայում) և փոխվարչապետի (Երևանի քաղաքապետարանի և մարզային ենթակայության դպրոցների դեպքում) կողմից:

Առաջարկվող մեկ այլ փոփոխությամբ մրցույթին դիտորդի կարգավիճակով կարող են մասնակցել մարզպետարանի կամ Երևանի քաղաքապետարանի մասնագետները, ինչպես նաև զանգվածային լրատվության միջոցների և ոլորտում գործող հասարակական կազմակերպությունների ներկայացուցիչները:

Նոր ժամկետներ

Նոր նախագծով դպրոցի կառավարման խորհուրդը տնօրենի թափուր տեղի մրցույթ հայտարարելու մասին որոշումն ընդունում է տվյալ հաստատության տնօրենի պաշտոնավարման ժամկետը լրանալու օրվանից առավելագույնը 70, բայց ոչ պակաս, քան 66 աշխատանքային օր առաջ:

Մրցույթին մասնակցելու մասին հայտերն ընդունվում են www.azdarar.am կայքում` հայտարարության հրապարակման օրվանից սկսած` 15 աշխատանքային օրվա ընթացքում: Մրցույթն անցկացվում է հայտերի ընդունման վերջին օրվանից հետո՝ 10-րդ աշխատանքային օրը:

Աշակերտական, մանկավարժական և ծնողական համայնքների դերի բարձրացում

Ըստ առաջարկվող նախագծի` հստակեցվել են աշակերտական, մանկավարժական և ծնողական համայնքների դերի բարձրացմանը միտված մեխանիզմները:

Մասնավորապես, դպրոցի տնօրենի պաշտոնակատարը (պարտականությունները կատարողը) պարտավոր է ապահովել.

· տնօրենի թափուր տեղի հավակնորդների հանդիպումը տվյալ հաստատության աշակերտական խորհրդի հետ` զարգացման ծրագիր կազմելու համար՝ այդ մասին դիմելուց հետո՝ առավելագույնը 3 աշխատանքային օրվա ընթացքում:

· տրամադրել գրավոր տեղեկատվություն` հաստատության գործունեության վերաբերյալ (տվյալներ մանկավարժական, աշակերտական համակազմի, ուսումնադաստիարակչական, արտադպրոցական գործունեության, կառավարման և խորհրդակցական մարմինների մասին, ինչպես նաև հավակնորդի կողմից ներկայացված գրավոր դիմումի հիման վրա հաստատության գործունեության վերաբերյալ անհրաժեշտ այլ տեղեկատվություն):

Մանկավարժական և ծնողական խորհուրդների կողմից դպրոցի կառավարման խորհրդում ընդգրկված անդամները պարտավոր են հավակնորդի ներկայացրած զարգացման ծրագիրը քննարկել մանկավարժական և ծնողական խորհուրդներում, ինչպես նաև հրապարակել տվյալ դպրոցի պաշտոնական կայքում: Ծնողական խորհրդում իրականացվող քննարկմանը կարող են մասնակցել նաև ծնողական խորհրդում չընդգրկված ծնողները:

Տնօրենի ընտրության ժամանակ դպրոցի կառավարման խորհրդում մանկավարժական և ծնողական համայնքների կողմից ընդգրկված անդամները պետք է իրենց ձայնը տան այն հավակնորդին, որի զարգացման ծրագրին հավանություն են տվել մանկավարժական և ծնողական խորհուրդները: Վերջիններս հավակնորդի ներկայացրած զարգացման ծրագրի վերաբերյալ իրենց եզրակացությունն արտահայտում են քվեարկությամբ:

Քվեարկության արդյունքում առավելագույն հավասար ձայներ հավաքած հավակնորդների միջև նույն օրն անցկացվում է կրկնակի քվեարկություն: Կրկնակի քվեարկությամբ, հավասար ձայների դեպքում, հավակնորդները համարվում են չընտրված, և մանկավարժական կամ ծնողական խորհուրդը տնօրենի պաշտոնի թափուր տեղի համար տվյալ մրցույթի ժամանակ չի ունենում իր թեկնածուն: Այս դեպքում ծնողական և մանկավարժական խորհուրդները ներկայացնող կառավարման խորհրդի համապատասխան անդամները մրցույթի ժամանակ քվեարկում են ազատ:

Նախագծի հանրային քննարկումը e-draft.am հարթակում կշարունակվի մինչև 2021 թվականի մայիսի 30-ը:

ԼՐԱՀՈՍ
14:31 • 07/05
Իսրայելա-պաղեստինյան հակամարտությունում առաջացել է վերահսկողության կորստի ռիսկ. ՄԱԿ
14:29 • 07/05
ՀՀ շրջանների զգալի մասում սպասվում է անձրև և ամպրոպ, մայիսի 11-ի գիշերը ջերմաստիճանը կնվազի 5-7 աստիճանով
youtube subscribe
14:24 • 07/05
Չինացու 2-ամյա կատուն մոդելի կարիերայի շնորհիվ օրական վաստակում է մոտ 1000 դոլար (լուսանկարներ)
14:18 • 07/05
18-54 տարեկան, խրոնիկ հիվանդություն չունեցող անձինք պատվաստվելու են «Աստրազենեկա»-ով, բարձր տարիքի անձանց ընտրության հնարավորություն է տրվելու․ Ն․ Զեյնալյանը՝ պատգամավորների պատվաստման մասին
14:15 • 07/05
Ջեսիքա Ալբայի ընկերությունը Nasdaq-ում ներկայացվելուց հետո գնահատվել է 2 միլիարդ դոլար (լուսանկարներ)
14:10 • 07/05
Բայդենը ևս մեկ տարով երկարաձգել է հակասիրիական պատժամիջոցների ռեժիմը
14:08 • 07/05
Համացանցում է հայտնվել Էմիլի Բլանթի մասնակցությամբ «Հանգիստ վայր 2» սարսափ ֆիլմի վերջին թրեյլերը (լուսանկարներ, տեսանյութեր)
14:06 • 07/05
Դատավորների ժողով է հրավիրվել․ ճեպազրույցները՝ ուղիղ
13:58 • 07/05
ԱՄՆ-ում 186 սմ երկարությամբ ահռելի թառափ են որսացել, որը, ըստ մասնագետների, կարող է 100 տարեկան լինել
13:48 • 07/05
170 նոր բառ. կորոնավիրուսի ֆոնին ֆրանսիական բառարանում ռեկորդային քանակությամբ նոր բառեր են հայտնվել
13:43 • 07/05
Պատգամավորները ԱԺ–ում պատվաստվում են կորոնավիրուսի դեմ (տեսանյութ)
13:43 • 07/05
Ոչ բոլոր տատիկներն են տանը նստում և գուլպաներ գործում. ՌԴ-ում 80-ամյա երկրաբանը մոդելային կարիերա է սկսել (լուսանկարներ)
13:37 • 07/05
«Լավ կլինի, որ Փսակիի հեռանալով փոխվի ոչ միայն ԱՄՆ-ի արտաքին քաղաքական հռետորաբանության ձևը, այլև բովանդակությունը». Պետդումայում մեկնաբանել են Փսակիի հնարավոր հրաժարականը
13:33 • 07/05
Գրինվուդը նոր ռեկորդ է սահմանել
13:28 • 07/05
Երկրի յուրաքանչյուր 50-րդ բնակիչ վարակվել է կորոնավիրուսով. ուսումնասիրություն