Որևէ մեկին չթվա, թե մենք պետք է ասենք՝ ոչինչ զոհվեցին, զոհվեցին. մենք գիտենք՝ ովքեր են մեղավորները, ու բոլորը պետք է պատասխան տան. Գեղամ Նազարյան (տեսանյութ)

«Ճշմարտութուն սերունդների համար» նախաձեռնության առաջին նպատակն է, որ այն դառնա հարթակ մեր հերոս տղաների և նրանց ծնողների, պատերազմի մասնակցած տղաների համար: Եթե պատերազմի մասնակիցները, նրանց ընտանքիները չդարձան պետության առանցքը, այս պետությունը ապագա ունենալ չի կարող: Այս մասին երեկ՝ մայիսի 4-ին, «Ճշմարտություն սերունդների համար» նախաձեռնության՝ զոհված զինծառայողների ծնողների մասնակցությամբ քննարկման ժամանակ ասել է նախաձեռնության ղեկավար Գեղամ Նազարյանը:

Նրա խոսքով՝ զոհված զինծառայողների ծնողների սրտերում փոթորիկ է և այդ փոթորիկը հանդարտեցնելու համար միակ տարբերակը հայկական Նյուրնբերգյան դատավարություն իրականացնելն է. «Որևէ մեկին չթվա, թե մենք պետք է ասենք՝ ոչինչ զոհվեցին, զոհվեցին: Մենք գիտենք, որ կան մեղավորներ և ովքեր են այդ մեղավորները, բոլորը պետք է պատասխան տան: Երեկ հայտնի դարձավ, որ 19 զինվոր, քաղաքացիական անձ, որոնք եղել են գերության մեջ, թշնամին խոշտանգել ու սպանել է, նույն օրը բերանները բաց խորհրդարանում հրհռում էին նրանք, ովքեր մեր տղերքին և այդ նույն 19 հոգուն տարան, մատուցեցին թշմնամու դրոններին ու հրթիռներին, ոչ՝ զորքերին: Ինչպե՞ս եք կարծում՝ այդ տականքներն ինչպես կարող են մասնակցել խորհրդարանական ընտրության և խոստումներ տալ, երբ նրանք հրհռում էին: Այդ նույն մարդիկ այսօր հրաժարվեցին ամսական 50 հազարական դրամ փոխանցել պատերազմի հետևանքով հաշմանդամ դարձած ընտանիքներին, այդ տականքներին թո՞ւյլ եք տալու գնալ ընտրությունների»:

Նա նշեց՝ ճիշտ չէ, որ պատերազմում պարտություն կրած ղեկավարը մասնակցի ընտրություններին, նույնն է, թե Ադոլֆ Հիտլերը Գերմանիայում մասնակցեր ընտրությունների, նման բան չի կարող լինել:

«Մեր երեխեքը հերոսներ են, բայց այսօր ուզում են ասել, որ հերոսը Աշոտիկն է, հերոսը «Էրատոն» է: Ես ուզում եմ ասել, որ ոչ միայն կապիտուլյանտը՝ պարտության սիմվոլը, այլ բոլորը պատասխան են տալու: Մակունցը պետք է պատասխան տա, թե ինչո՞ւ էր այդքան վստահ ասում, որ Թուրքիան պատերազմին չի մասնակցելու, երբ թուրքական անօդաչուներով են մեր տղաներին սպանել ու վիրավորել»,- ասաց Նազարյանը:

Մանրամասները՝ տեսանյութում: