Ֆրանսիան կսահմանափակի լիբանանցի պաշտոնյաների մուտքը երկիր, որոնք կասկածվում են կոռուպցիայի մեջ

Ֆրանսիան կսահմանափակի լիբանանցի պաշտոնյաների մուտքը երկիր, որոնք կասկածվում են կոռուպցիայի կամ կառավարության ձեւավորմանը խոչընդոտելու մեջ: Այս մասին հայտարարել է Ֆրանսիայի արտաքին գործերի նախարար Ժան-Իվ Լե Դրիանը, հայտնում է AP-ն:

Այս քայլը Լիբանանի ղեկավարներին ճնշելու Ֆրանսիայի վերջին փորձն է` նրանց վտանգավոր քաղաքական փակուղուց դուրս բերելու համար, որը արագացրեց Մերձավոր Արևելքի երկրի տնտեսական փլուզումը:

Լը Դրիանը հայտարարել է, որ կառավարությունը «սկսել է միջոցներ ձեռնարկել Լիբանանում շարունակվող քաղաքական փակուղում ներգրավված կամ կոռուպցիայի մեջ ներքաշված մարդկանց` ֆրանսիական տարածք մուտքը սահմանափակելու համար»: Պաշտոնյաների անունները կամ թիվը նա չի նշել:

Այս քայլն առայժմ պատժամիջոցներ չի նախատեսում, բայց Լե Դրիանն ասել է, որ ավելի ուշ կարող են այլ միջոցներ ձեռնարկվել: «Մենք հնարավորություն ենք թողնում` լրացուցիչ միջոցներ ձեռնարկել բոլորի նկատմամբ, ովքեր խոչընդոտում են ճգնաժամից դուրս գալու գործընթացը»,- ասել է նա:

Լիբանանն իր նորագույն պատմության վատթարագույն տնտեսական եւ ֆինանսական ճգնաժամն է ապրում: Վերջին ամիսներին տեղական արժույթը դոլարի նկատմամբ կորցրել է իր արժեքի 85 տոկոսը, ձեռնարկությունները փակվել են, իսկ բանկերը ոչ պաշտոնական հսկողություն են սահմանել փոխանցումների եւ դուրսբերումների նկատմամբ:

Տնտեսական ճգնաժամը սրվեց անցյալ ամառ Բեյրութ նավահանգստում տեղի ունեցած պայթյունից հետո: Վարչապետ Հասան Դիաբի կառավարությունը ռմբակոծությունից հետո հրաժարական տվեց, իսկ նախկին վարչապետ Սաադ Հարիրին հանձնարարվեց նոր կառավարություն կազմել: Հարիրին չկարողացավ կաբինետ ձեւավորել` իր եւ նախագահ Միշել Աունի միջեւ խորը տարաձայնությունների պատճառով:

Անցյալ տարի Ֆրանսիայի նախագահ Էմանուել Մակրոնը ճանապարհային քարտեզ առաջարկեց` նախկին Ֆրանսիայի պրոտեկտորատում քաղաքական փակուղու հաղթահարման համար: Մակրոնը ճնշում է գործադրում լիբանանցի քաղաքական գործիչների վրա ՝ անկուսակցական մասնագետների կաբինետ ձեւավորելու նպատակով, որոնք կարող են աշխատել հրատապ բարեփոխումների վրա` Լիբանանը ֆինանսական ճգնաժամից դուրս բերելու համար: Այդ ջանքերն ապարդյուն էին, քանի որ լիբանանցի քաղաքական գործիչները շարունակում են վիճել նոր կաբինետի ձեւի եւ չափի, ինչպես նաեւ այն հարցի շուրջ, թե ով է ընտրում նախարարներին: