«Բարձրագոչ մեղադրանքներով պատմությունն այնքան էլ հիմնավոր չի թվում». ԵԽ չեխ պատգամավորը սեփական երկրից ապացույցներ է պահանջել ՌԴ-ին առաջադրված մեղադրանքների վերաբերյալ
Չեխիայի գաղտնի ծառայությունները պետք է անհապաղ ապացույցներ ներկայացնեն զինամթերքի պահեստում տեղի ունեցած պայթյուններին Ռուսաստանի ենթադրյալ մասնակցության առնչությամբ, հակառակ դեպքում բարձրագոչ մեղադրանքներով պատմությունն այնքան էլ հիմնավոր չի թվում:
Նման հայտարարությամբ է հանդես եկել Եվրախորհրդարանի չեխ պատգամավոր Կատերժինա Կոնեչնան, գրում է «ՌԻԱ Նովոստի»-ն:
«Ինչպես ես հասկանում եմ, ասվել է, որ ուղղակի ապացույցներ չկան, որ այդ գործակալները այնտեղ են, և ոչ մի պայթուցիկ նյութ չի հայտնաբերվել: Պարզվում է, որ մենք գիտենք, թե ով է դա արել, բայց չգիտենք, արդյոք նրանք այնտեղ եղել են, և մենք չունենք այն զենքը, որը նրանք օգտագործել են: Համոզիչ փաստարկներ չեն թվում ... Մեր հատուկ ծառայությունները պետք է անհապաղ ապացույցներ ներկայացնեն ՌԴ գլխավոր հետախուզական վարչությանն առաջադրված մեղադրանքների վերաբերյալ»,- ասել է քաղաքական գործիչը:
Չեխ եվրախորհրդարանականի խոսքով՝ Ռուսաստանը և Չեխիան պետք է դադարեցնեն անբարյացակամ հռետորաբանությունը և շփումներ սկսեն՝ ստեղծված իրավիճակը կայունացնելու համար:
Հիշեցնենք՝ Չեխիայի վարչապետ Անդրեյ Բաբիշը ապրիլի 17-ին հայտարարել էր, որ երկրի իշխանությունները կասկածում են Ռուսաստանի Դաշնության հատուկ ծառայություններին՝ 2014 թվականին Վրբետիցեում զինամթերքի պահեստում տեղի ունեցած պայթյունը կազմակերպելու համար: Կրեմլն այդ մեղադրանքներն անվանել է վրդովեցուցիչ ու անհիմն, մինչդեռ ՌԴ ԱԳՆ-ն դրանք անվանել է «մարազմիկ շքերթ»:
Այնուամենայնիվ, 18 ռուս դիվանագետ արտաքսվել է Չեխիայից: Ի պատասխան այս քայլի՝ ՌԴ-ն «պերսոնա նոն գրատա» է ճանաչել Չեխիայի դեսպանատան 20 աշխատակցի, որոնք արդեն լքել են երկիրը: