Այս ոստիկանները շատ շուտով իրենք են Նիկոլի ձեռքերը ոլորած դուրս բերելու եւ տանեն համապատասխան տեղը․ Նազարյան

Արփի Դավոյանն ու մյուս ուսապարկները պետք է քաջ իմանան՝ իրենց արածների համար պատժվելու են օրենքի ամբողջ խստությամբ, ես ձեզ խոստանում եմ, ցմահ ազատազրկում են ստանալու նրանք, ովքեր կանգնեցին ու Շուշին հանձնողին, մեր տղաներին սպանողին ծափահարեցին։ Այս մասին լրագրողների հետ զրույցում ասել է «Ճշմարտությունը սերունդների համար» նախաձփեռնության ղեկավար Գեղամ Նազարյանը։

Ըստ Գ․Նազարյանի Փաշինյանը դիտավորյալ է գնացել Սյունիք, որպեսզի հետո ասի, թե արտահերթ ընտրությունների եւ ընտրարշավի պայմաններ չկան, հետո էլ չեղյալ հայտարարի ընտրությունները, բայց սա վարկածներից մեկն է։

«Պարտության այս սիմվոլը, որն ամեն օր մի նոր ծանր պատիժ է դառնում մեր ժողովրդի համար, պատրաստ էր հատուկ գնալ, սրել իրավիճակը․․․ Նա գաղտագողի մտավ շուռնուխցու տուն, եւ այդտեղ պարզ դարձավ, թե ինչ է մտածում ամբողջ ազգն իր մասին, մի ամբողջ Սյունիք չի ընդունում իրեն։ Ես նրան ու իր կնոջը հորդորում եմ, որ գոնե հիմա լսեն Լեւոն Տեր-Պետրոսյանի խորհուրդը, որ լսեն նրան եւ հեռանան, որովհետեւ օրեր անց իրեն այդ առաջարկն այլեւս չի արվի։ Շատ շուտով նա եւ Օմեգան այստեղից դուրս են մղվելու եւ այս ամառանոցը դառնալու է միջազգային մակարդակի վերականգնողական կենտրոն մեր վիրավոր տղաների համար։ Երբ ես տեսա, որ մտել է Կապանի մոտ մի զորամաս եւ ձեռքը դրել զինվորի վրա, ուզում եմ ոչ թե որպես քաղաքագետ, այլ՝ Աբգարի հայր, իմ եւ մյուս զոհված հերոսների ծնողների անունից ասել՝ դու եւ քո ուսապարկները, ձեռքով չդիպչեք ոչ մի համազգեստով զինվորականի, մի պղծեք, դուք դրա արժանիքը չունեք։ Իրենք արդեն Սյունիքը պատժել են, Արփի Դավոյանին կարող եք փոխանցել, որ ինքն արդեն կարող է հրճվել, ուրախությունից ճչալ, եթե առաջ Կապանից մինչեւ Ադրբեջանի սահման 250 կմ էր, հիմա 2,5 մետր է, սյունեցիներն արդեն պատժված են։ Արփի Դավոյանն ու մյուս ուսապարկները պետք է քաջ իմանան, իրենք պատժվելու են օրենքի ամբողջ խստությամբ իրենց արածների համար, ես ձեզ խոստանում եմ, ցմահ ազատազրկում են ստանալու նրանք, ովքեր կանգնեցին ու Շուշին հանձնողին, մեր տղաներին սպանողին ծափահարեցին։ Կարող են չկասկածել, ինչքան ուզում են ձգձգեն, ինչքան ուզում են էս ոստիկանների թիկունքում թաքնվեն․․․ Այս ոստիկանները մի քանի օրից իրենք են մտնելու, Նիկոլին ձեռքերը ոլորած դուրս են բերելու եւ տանեն համապատասխան տեղը։ Արդեն համբերությունը հատնում է, եթե նրանց թվում է, թե մոռանալու ենք՝ ինչ արեցին նրանք մեր երեխաներին, Շուշին, շատ են սխալվում», ասել է Գեղամ Նազարյանը։