Երևանում խաղաղ պայմաններում զրահաբաճկոններով ֆռֆռացող ծաղրածուները սպառնում են Անի Գևորգյանին․ եթե վիրտուալ տիրույթից դուրս գալու լինեք երբեէ, եղեք ծայրահեղ զգույշ, փսլնքոտներ․ Ա․ Սաղաթելյան
«Քառյակ մեդիայի» համահիմնադիր, հասարակական–քաղաքական գործիչ Արման Սաղաթելյանը ֆեյսբուքյան գրառում է արել, որում անդրադարձել է Tert.am–ի լրագրող Անի Գևորգյանի նկատմամբ համացանցում հնչած սպառնալիքներին։ Գրառումը ներկայացնում ենք ստորև․
«Պատերազմի օրերին Անին առաջին լրագրողներից էր, որ եկավ Արցախ ու եկավ կամավոր (պատերազմի ընթացքում ArmNews-ի ու Tert.am-ի անձնակազմը աշխատել է կամավոր սկզբունքներով, եւ յուրաքանչյուրը կարող էր հրաժարվել մեկնելուց կամ վերադառնալ ցանկացած պահի): Ես մի քանի անգամ փորձեցի ուղարկել Անիին տուն, երբ ակնհայտ դարձավ, որ թշնամին թիրախավորում է նաեւ լրագրողներին, ու արդեն կան վիրավոր լրագրողներ, այդ թվում ծանր, եւ երբ անխնա օր ու գիշեր չէր լռում տագնապի ազդանշանը եւ հրթիռակոծվում ու ռմբակոծվում էին քաղաքացիական օբյեկտները։ Ամեն անգամ Անին վրդովվում ու հրաժարվում էր, ու չէր գործում նաեւ մանկահասակ երեխա ունենալու փաստարկը։ Իհարկե, իր հրաժարվելը ես որպես խմբի ղեկավար կարող էի անտեսել եւ ընդհանրապես առանց որեւէ բան քննարկելու ուղարկել Անիին Երեւան, բայց որ տեսնում էի նրա կամքը, խիզախությունը ու ծանր պայմաններում աշխատանքով իր կոլեկտիվի հետ միասին հայրենիքին ծառայելու անկեղծ ձգտումը, ամեն անգամ հետ էի կանգնում նման որոշումից։
Նորմալ երկրում ես, անշուշտ, վաղուց միջնորդություն արած կլինեի Անիին եւ այլ` ոչ ղեկավար կազմի աշխատակիցներին գերատեսչական պարգեւների ներկայացնելու համար։ Բայց դա նորմալ երկրում։ Իսկ առայժմ Երեւանի կենտրոնով խաղաղ պայմաններում զրահաբաճկոններով ու ֆորմայով ֆռֆռացող ծաղրածուները սպառնում են Անիին` տարածելով նաև իր մանկահասակ երեխայի ֆոտոն։ Իրարկե, նման լակոտությունները սահմանափակվում են միայն վիրտուալ տիրույթում, ինչպես իրենց կապիկ պատվիրատուների ամեն ինչը։ Ես բացարձակ զգայուն չեմ նմանատիպ լակոտություններին, եւ ձերպեսներին հարյուրներով եմ տեսել` այդ թվում ձեր գերագույն վիժվածքին։ Բայց այս անգամ կնոջ եք մոտ եկել, որն իմ կոլեգան ու ընկերն է, եւ իր երեխային: Հետևաբար ուրեմն եթե ու վիրտուալ տիրույթից դուրս գալու լինեք երբեէ, եղեք ծայրահեղ զգույշ։ Փսլնքոտներ»:
Հիշեցնենք , ավելի վաղ հայտարարությամբ էր հանդես եկել նաև «Մեդիա պաշտպանը»:
«Մեդիա պաշտպան» նախաձեռնությունը հայտարարություն է տարածել՝ անդրադառնալով լրագրողներին սոցցանցերում սպառնալուն, ԱԺ-ում լրագրողների հարցերն անպատասխան թողնելուն։
Հիշեցնենք, որ ֆեյսբուքում սպառնացել էին Tert.am-ի լրագրող Անի Գևորգյանին և տարածել նրա մանկահասակ երեխայի լուսանկարը։
«Մեդիա պաշտպանի» հայտարարությունը ներկայացնում ենք ստորև․
«Այսօր ԱԺ-ում պատգամավորները գոռգռում էին լրագրողների վրա, անպատասխան թողնում հարցերը, փորձում սարկազմով լռեցնել, հարձակումներ են սկսել ֆեյսբուքում ոչ միայն լրագրողների, այլև նրանց մանկահասակ երեխաների նկատմամբ։
Մի կողմից այս ամենի պատճառն այն է, որ խորհրդարանում սակավ են իշխանությունների ընդդիմախոսները, մանավանդ այնպիսիք, ովքեր սիստեմատիկաբար հետևում են նրանց ելույթներին և բացահայտում անահամապատասխանություններն ու կեղծիքները, մյուս կողմից՝ իշխանությունները պատրաստվում են ընտրությունների և նախապատրաստական այս փուլում նրանց համար կարևորագույն խնդիր է լռեցնել մեդիան։
Լրագրողական համայնքին կոչ ենք անում միասնականության, մանավանդ այս փուլում. բոլորը պետք է ընդունեն, որ մի օր իրենք էլ կարող են դառնալ ընդդիմախոս, և այս փուլում լրագրողներին լռեցնելու կանոները հաստավելու դեպքում վաղն իրենք են բախվելու նույն խնդրին։
Իրավապահ մարմիններին կոչ ենք անում հետամուտ լինել ակնհայտ հանցանքներ պարունակող գործողություններին։ Մեր ոչ վաղ անցյալի ողբերգությունը ցույց է տալիս, որ բազմաթիվ խնդիրները ծագում են լրագրողներին լռեցնելու հետևանքով։ Ազատ և պատասխանատու մեդիան այսօր, առավել քան երբեւէ ազգային անվտանգության գործոն է»։