на Русском
Ջաթին Շարման որոնվում է որպես անհետ կորած
Հենրի Քավիլն առաջին անգամ հայր կդառնա
Ինչի համար կարող էին սպանել «օրենքով գող» Ալիկ Ռիժիին
«Օրենքով գող» Ալբերտ Հեյդարովի (Ալիկ Ռիժի) սպանության հիմնական վարկածը գողական աշխարհի վրեժն է՝ իրավապահների հետ համագործակցության համար, գրում է «МК»-ն:
Ինչպես նշում է թերթը, շրջանառվել է վարկած, որ նա պայմանական վաղաժամկետ ազատ է արձակվել մաֆիայի ղեկավարների դեմ ցուցմունքների համար: Ի դեպ, հնարավոր է, որ Ալիկ Ռիժիին համարել են այլ հեղինակության՝ Նադիր Սալիֆովի կամ Լոտա Գուլիի սպանության ոչ պաշտոնական պատվիրատու: Նրան գնդակահարել էին անցյալ տարվա օգոստոսին՝ Ստամբուլում: Դեռ Դեդ Հասանի կյանքի ընթացքում երկու գանգստերները թշնամացել էին Ուսոյանի ամենամոտ գործընկերները համարվելու իրավունքի համար, եւ նրանց թշնամությունը չէի մեղմացել նրա մահից հետո:
Հեյդարովին գնդակահարել են գանգստերների մարտիկների ոճով՝ էլիտար ֆիթնես-ակումբում վազքի ժամանակ: Հետաքննությունը թարմ հետքերով ենթադրել է, որ թելերը տանում են դեպի Նեւա քաղաք, որտեղ մի անգամ Ալիկ Ռիժիին արդեն փորձել են վերացնել: Ընդ որում՝ մարդասպանին չէր շփոթեցրել վկաների առատությունը: Մարզասրահում, բացի մարդասպանից եւ զոհից, եղել են առնվազն երեք այլ մարզիկներ՝ տղամարդ եւ երկու աղջիկ: Ավելին, դահլիճն ինքնին հագեցած է տեսահսկման համակարգով, ուստի ամբողջ տեսարանն արձանագրել է տեսախցիկը: Ավազակը, բոլորովին չշտապելով, ատրճանակ-գնդացրից մի քանի անգամ կրակել է գողի վրա, ապա զենքը դրել է պայուսակի մեջ ու անհետացել:
Շատ արագ հնարավոր է եղել պարզել ենթադրյալ հրաձիգի ինքնությունը, նույնիսկ նրա անունը՝ Թալեհ, որը ծնունդով ադրբեջանցի է : Սակայն թարմ հետքերով մարդասպանին գտնել օպերատիվ աշխատակիցները չեն կարողացել:
