Հնդկաստանում ոստիկանությունը 4 ահաբեկիչ է սպանել

Հնդկաստանի ոստիկանությունը հայտնել է, որ Ջամու և Քաշմիր շրջանի Շոպիան քաղաքում տեղի ունեցած հատուկ գործողության ընթացքում սպանվել է 4 ահաբեկիչ, հայտնում է «ՌԻԱ Նովոստի» լրատվական գործակալությունը՝ հղում տալով ոստիկանության տարածած հաղորդագրությանը։

Գործողության ընթացքում սպանվել 4 ահաբեկիչ և ևս մեկը շրջափակման մեջ է, ինչպես նաև վիրավորվել է 4 ոստիկան։ Պատսպարված ահաբեկիչը «Ալ Կաիդա» ահաբեկչական խմբավորման հրամանատար Անսար Հազուաթ ուլ Հինդն է, որը գործում է տեղի «Ժեյշ ալ Մուհամմադ» ահաբեկչական խմբավորման հետ։

Հատուկ գործողություններն առայժմ շարունակվում են և այդ շրջանակում քաղաքում ինտերնետ կապն անջատված է։

«Ժեյշ ալ Մուհամմադ» ահաբեկչական խմբավորումը իսլամիստական ահաբեկչական կազմակերպություն է, որը խոսում է Քաշմիրը Հնդկաստանից անկախ հռչակելու նպատակի մասին։ Կազմակերպությունը 2016 թվականի հունվարին հարձակում է իրականացրել Հնդկաստանի ռազմաօդային ուժերի Պատհանկոտ բազայի ուղղությամբ և 2019 թվականի փետրվարին Ջամուում և Քաշմիրում ռմբակոծություն է իրականացվել մահապարտ ահաբեկչի միջոցով, ինչը հանգեցրել էր Հնդկաստանի և Պակիստանի միջև հարաբերությունների սրման:

Այն բանից հետո, երբ Հնդկաստանի՝ Մեծ Բրիտանիայի վերահսկողության տակ գտնվող հատվածը վերածվել է առանձին Պակիստան պետության, Հնդկաստանի կազմում մնացած Քաշմիրի շրջանը դարձել է երկրի ամենաշատ մուսուլմաններով բնակեցված տարածքը։ Այստեղ կան անջատողականներ, որոնց աջակցելու հարցում Նյու Դելին մեղադրում է Պակիստանին։ Պաշտոնական Իսլամաբադը, սակայն, հերքում է մեղադրանքը և պնդում, որ Քաշմիրի բնակիչներն ինքնուրույն են պայքարում իրենց իրավունքների համար: