Կադիրովը դարձել է Ռուսաստանի ամենաերկար կառավարող նահանգապետը

Չեչնիայի ղեկավար Ռամզան Կադիրովը գլխավորում է ՌԴ ամենաերկար ծառայող նահանգապետերի ցանկը, հայտնում է lenta.ru լրատվական կայքը։

Ուլյանովսկի շրջանի նահանգապետ Սերգեյ Մորոզովի այսօրվա հրաժարականից հետո (նա մարզը գլխավորում էր 2005 թվականից) ամենաերկար ծառայող նահանգապետի տիտղոսը փոխանցվել է Ռամզան Կադիրովին, որը Չեչնիան ղեկավարում է 2007 թվականից։

Մինչև 2011 թվականը Կադիրովը զբաղեցնում էր Չեչնիայի նախագահի պաշտոնը, սակայն 2011-ին խորհրդարանը, նրա հորդորով, փոխել է ղեկավարի պաշտոնական անվանումը։ Կադիրովն այս քայլը բացատրում է նրանով, որ երկրում միայն մեկ նախագահ կարող է լինել (Չեչնիան ներառված է ՌԴ կազմում-Խմբ.)։

Երկրորդ տեղում Չուկոտկայի ինքնավար շրջանի նահանգապետ 47-ամյա Ռոման Կոպինն է, որը պաշտոնը ստանձնել է 2008 թվականին։