на Русском
Փաստաբան Վահան Հովհաննիսյանի ահազանգի հիման վ... 
Հենրի Քավիլն առաջին անգամ հայր կդառնա
Ըստ էության, մենք հաղթահարել ենք կորոնավիրուսի երկու ալիք․ պատգամավոր Նարեկ Զեյնալյան (տեսանյութ)
Քաղաքացիների շրջանակում պատվաստանյութերի պահանջարկ կա, և մարդիկ գրանցվում են, իսկ պատվաստվում են նրանք, ովքեր թիրախային խմբում են: Այս մասին լրագրողների հետ զրույցում ասաց ԱԺ առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանը:
«Պետք է առաջին հերթին պատվաստվեն թիրախային խմբի մարդիկ, և նրանք, ովքեր առնչություն ունեն հիվանդների հետ: Պատվաստանյութերի վերաբերյալ պետք է ճիշտ իրազեկվածություն ապահովենք, իսկ բնակչության շրջանում պետք է նաև այդ քարոզչություն տանել, որ պատվաստումը վիրուսի դեմ պայքարի միակ լուծումն է»,- ասաց Նարեկ Զեյնալյանը:
Լրագրողների հարցին՝ ինչու է նա առանց դիմակի, Զեյնալյանը չպատասխանեց, բայց նշեց՝ պետք է բոլորն անպայման դիմակ դնեն:
«Ըստ էության, համավարակի 2 ալիք հաղթահարել ենք, կարծում եմ, որ սա կարելի է նոր ալիք համարել, քանի որ թվերը շարունակաբար աճում են, և այս վերջին մեկ շաբաթում ցուցանիշները համեմատաբար կայուն են, բայց կարող ենք ասել՝ սա 3-րդ ալիքն է: Դիմակ բոլորը պետք է դնեն»,- նշեց նա:
Նարեկ Զեյնալյանը նաև անդրադարձավ կորոնավիրուսի նոր՝ բրիտանական շտամին:
«Բրիտանական շտամը վիրուսի մոդիֆիկացված տարբերակ է, և դա վիրուսների շրջանում շատ է լինում, վիրուսը շրջանառվելով բնության մեջ՝ որոշակի մուտացիաների է ենթարկվում, մահաբերության տոկոսն ավելի ցածր է, բայց ախտահարման ագրեսիվությունը՝ ավելի շատ»,- ասաց Նարեկ Զեյնալյանը:
