ՍԴ-ն սառը ցնցուղ մատուցեց Նիկոլ Փաշինյանին. Գևորգ Պետրոսյան
Ես ուզում եմ շնորհակալություն հայտնել ՍԴ դատավորներին, բացառությամբ մեկի, որը գիտեք, փախած է ՍԴ-ից. իսկապես ՍԴ-ն գտնվեց իր բարձունքի վրա: Այս մասին այսօր՝ մարտի 29-ին, մամուլի ասուլիսի ժամանակ նշեց ԱԺ պատգամավոր Գեւորգ Պետրոսյանը՝ անդրադառնալով ՍԴ որոշմանը, որով հակասահմանադրական եւ անվավեր ճանաչվեց քրեական օրենսգրքի 300.1 հոդվածը, որով մեղադրանք էր առաջադրվել Ռոբերտ Քոչարյանին եւ մյուսներին:
«Իհարկե, քաղաքական հետապնդումների առումով սա գուցե սպասելի չէր, որովհետեւ այն ժամանակ, երբ Նիկոլ Փաշինյանը կուրծք էր ծեծում ՍԴ-ն իրենով անելու ուղղությամբ, ենթադրվում էր, որ իրքն արդեն իրենով է արել: Կարծեմ ինքն ասաց, որ ՍԴ-ի խնդիրն արդեն լուծված է: Նա մտածում էր, որ ինչ ուզի, ՍԴ-ն պետք է անի, բայց ՍԴ-ն սառը ցնցուղ մատուցեց նրան, դրա համար ընկել է ցայտնոտի մեջ, տարօրինակ հայտարարություններ է անում: ՍԴ-ի որոշումը եղել է բացառապես Սահմանադրության եւ օրենսդրության մյուս գործող ակտերին համապատասխան: Այստեղ Քոչարյանի խնդիրը չի, այստեղ արդարության հաղթանակի խնդիրն է»,-հայտարարեց պատգամավորը:
Նա անդրադարձավ պնդումներին, թե ՍԴ-ի որոշումը հիմք չէ կարճելու համար Ռոբերտ Քոչարյանի նկատմամբ քրեական հետապնդումը. «Սա յալանչիություն է, լարախաղացություն է, խայտռակ են անում իրենց մասնագիտական պատիվը, եթե իհարկե ունեցել են: Քրեական դատավարության օրենսգրքի 35-րդ հոդվածի համաձայն, քրեական գործը եւ քրեական հետապնդումը ենթակա են կարճման, եթե բացակայում է հանցագործության դեպքը: Իսկ հանցագործություն էհամարվում այն արարքը, որը նախատեսված է քրեական օրենսգրքով: ՍԴ-ի որոշման պահից 300.1 հոդվածը չի գործում այլեւս, հետեւաբար պացակայում է հանցագործության դեպքը:
Ոմանք այդքան խելք չունեն, որ ասեն՝ տեսեք, Նիկոլ Փաշինյանի օրոք ՍԴ-ն արդար որոշում կայացրեց: Հելել ուզում են Ռոբերտ Քոչարյանին ամեն կերպ բանտարկած լինեն»:
Հարցին, թե արդյոք ՍԴ-ի այս որոշումը նշանակում է, որ Նիկոլ Փաշինյանը հանձնվել է, Գեւորգ Պետրոսյանն ասաց. «Ինքը միգուցե հանձնվել է: Ինքն էլ հեշտ հանձնվող չի, բայց ոչ թե որովհետեւ գելխեղդ ա, այլ որովհետեւ հասկանում է, որ հանձնվելու պարագայում երկրորդ հանգրվանը լինելու է ԱԱԾ մեկուսարանը: Հիմա դրա համար ինքը տարբեր խաղեր կտա, կգնա բացահայտ անօրինականությունների»:
Ինչ վերաբերում է դիտարկմանը, որ Ռոբերտ Քոչարյանը փաստորեն անտեղի 1,5 տարի կալանավորված է եղե, գեւորգ Պետրոսյանն ասաց. «Քրեական դատավարության օրենգրքի 66-րդ հոդվածի իմաստով Ռոբերտ Քոչարյանը արդարացված անձ է: Այստեղ նյութական հարցեր են, նաեւ գործարար համբավի հարց էլ կարող է բարձրանալ»: