Հայ արվեստի պատանի երախտավորները. «Զանգակ» գրատանը բացվեց «Ծաղկելու արվեստը» մանրանկարչական ստուդիայի սաների ցուցահանդեսը

Հայկական մշակույթի ակունքները գալիս են դեռևս հայկական ցեղային միությունների ու պետական կազմավորումների ժամանակներից: Դրանք մեզ ծանոթ են ոչ միայն պահպանված առասպելներից և կրոնական հավատալիքներից, այլև պեղումների նյութերից: Մշակույթի ճյուղերն են լեզուն, գրականությունը, ճարտարապետությունը, քանդակագործությունը, նկարչությունը, երաժշտարվեստն ու պարարվեստը, թատրոնն ու կինոն և այլն:

Պատմական հանգամանքների բերումով հայկական մշակությը ձևավորվել ու զարգացել է ոչ միայն բուն Հայաստանում, այլև Սփյուռքում:Հայաստանում մինչև օրս մնացել են մշակութային ոլոր-տներ,գործիչներ ու օջախներ,որոնք պահպանում ու տարածում են,ինչպես տեղի, այնպես էլ օտարազգի մշակույթի ավանդույթները, թե մեր, այնպես էլ արտերկրում:Խոսենք մի հայրենանվեր կառույցի մասին, որն իրականացնում է տարրաբնույթ կրթական ու մշակութային ծրագրեր, պահպանելու հայկական մշակույթի դարավոր ավանդույթները:

Նշված կառույցներից է «Մաշտոց» հիմնադրամն, որը ստեղծվել է Ամերիկահայ բարերարներ՝ Մարիա, Բեատրիս և Ռուբեն Ղրդյանների ֆինանսավորմամբ:

Այսպիսով՝ «Մաշտոց» հայ մշակույթի պահպանման և զարգացման հիմնադրամի նախաձեռնությամբ արդեն 4 տարի է, ինչ Մատենադարանում գործում է «Ծաղկելու արվեստը» մանրանկարչական ստուդիան, որտեղ երեխաներն ու պատանիները սովորում են հայ միջնադարյան ձեռագրական արվեստի, մանրանկարչության առանձնահատկությունների մասին թե՛ տեսական և թե՛ գործնական պարապմունքների միջոցով:

Դասընթացները վարում է մանրանկարչուհի Լիլիթ Վարդումյանը: Իսկ տեսական պարապմունքների ընթացքում երեխաներին դասավանդում են նաև Մատենադարանի գիտաշխատողները:Եվ ահա, մարտի 6-ին՝ «Զանգակ» գրատանը բացվեց ստուդիայի սաների աշխատանքների ցուցահանդեսը, որտեղ ներկայացված էին ինչպես հայկական մանրանկարչության լավագույն նմուշների ընդօրինակությունները, այնպես էլ փոքրիկ ծաղկողների ինքնուրույն ստեղծագործական աշխատանքները:

Այս գեղեցիկ միջոցառման ժամանակ բացման ու ողջույնի խոսքով հանդես եկավ Մատենադարանի տնօրեն Վահան Տեր-Ղևոնդյանը: Իր խոսքում նա մասնավորապես նշեց այն հանգամանքն, որ օրվա առիթը երեխաներն են, ովքեր արդեն տևական ժամանակ է,որ սովորում են հայ մշակույթի, մասնավորապես արվեստի ճյուղերից մեկը՝ մանրանկարչությունը՝պահպանելով հայ դարավոր մշակույթի այս յուրօրինակ արվեստի դարավոր ավանդույթներն ու պատմությունը: Իր խոսքն նա ավարտեց ցուցահանդեսի կազմակերպիչներին, ի դեմս՝ «Մաշտոց» հիմնադրամի նրա գործադիր տնօրեն Վարդի Քեշիշյանին, դասընթացների վարող, մանրանկարչուհի Լիլիթ Վարդումյանին ու բոլոր մասնակից երեխաներին: Ելույթներով հանդես եկան նաև Վարդի Քեշիշյանը և Լիլիթ Վարդումյանն, ովքեր ևս շնորհակալություն հայտնելով կազմակերպիչներին ու երեխաներին հույս հայտնեցին, որ այս ծրագրերը կլինեն շարունակելի՝պահպանելու հայ մշակույթի դարավոր արժեքներն ու ավանդույթները:

Նշենք այն հանգամանքն, որ 44 օրյա պատերազմի ընթացքում երեխաներն իրենց հայրենանվեր մասնակցությամբ ոգևորել էին առաջնագծում կանգնած զինվորների համար՝ վրանների հետ բացիկներ ուղարկելով նրանց համար: Եվ ահա այսօր այս գեղեցիկ միջոցառման ընթացքում տեղի ունեցավ բացիկներից մեկի գրող պատանի աղջնակի Ջոթյան Մարիետայի ու կամավոր Ռուդիկ Հակոբյանի ով ստացել էր բացիկը հուզիչ և հայրենասիրական հանդիպումը: Միջոցառման վերջում Վահան Տեր-Ղևոնդյանը վկայագրեր հանձնեց մանրանկարչության ծրագրերն ավարտած մասնակիցներին, վստահացնելով, որ նրանք են կերտելու մեր երկրի ապագա մշակույթը՝ պահպանելով դրա ակունքներն ու արժեքները:

Նշենք,որ այս գեղեցիկ ու յուրահատուկ ցուցահանդեսը բաց կլինի մինչև մարտի 16-ը:

Գարիկ Ավետիսյան

Լուսանկարները Սիրարփի Կարապետյանի