Սա ապացույցն է նրա, որ Ալիեւը լավ բռնել է Նիկոլ Փաշինյանի կոկորդից. Արփինե Հովհաննիսյան

Մենք արդեն տարիներ շարունակ տեսնում ենք, որ Ալիեւի հոխորտանքներին երկրի բարձրագույն իշխանության մակարդակով որեւէ հոդվաբաշխ պատասխան չենք տեսնում: Այս մասին, այսօր՝ մարտի 6-ին, Բաղրամյան պողոտայում ընդդիմության հանրահավաքից առաջ լրագրողների հետ զրույցում նշեց ԱԺ նախկին փոխխոսնակ Արփինե Հովհաննիսյանը՝ անդրադառնալով նրան, որ Ալիեւը հայտարարել է, թե Զանգեզուրն իրենց պատմական հայրենիքն է, իսկ Հայաստանից պատասխան է հնչել ԱԳՆ խոսնակի մակարդակով:

«Ինչ-որ կիսատ-պռատ մամուլի խոսնակներ, կիսատ-պռատ պատգամավորներ կիսատ-պռատ ինչ-որ բաներ են ասում, եւ ցանկացած ողջամիտ մարդու մոտ հարց է առաջանում՝ հա լավ, էս մարդն ինչի՞ չի պատասխանում Ալիեւին: Սա հերթական ապացույցն է նրա, որ Ալիեւը լավ բռնել է Նիկոլ Փաշինյանի կոկորդից, ունի նրա դեմ ինչ-որ փաստեր, եւ լավ չափել է նրա վախը: Դրա համար էլ մեր պետությունը ամորձատված վիճակում շարունակում է քարշ տալ իր գոյությունը 4 ամիս շարունակ»,-ասաց ԱԺ նախկին խոսնակը:

Ինչ վերաբերում է Ալիեւի հայտարարությանը, թե Հայաստանին կստիպեն գործարկել Զանգեզուրով անցնող ճանապարհային միջանցքը, նա ասաց. «Սա վտանգավոր է այնքանով, որ Ալիեւն ասում է՝ մի անհանգստացեք, ես գիտեմ ձեր կապիտուլյանտին ինչպես բուռս հավաքել, ինչպես ձեզ նվաստացած պահեմ: Էդ դուք չեք կարողանում ընդդիմանալ, ես գիտեմ՝ ինչպես լուծել Նիկոլ Փաշինյանի հարցը»:

Արփինե Հովհաննիսյանի խոսքով՝ ակնհայտ էր, որ իմքայլականներն ԱԺ-ում իբր դեմարշ էին անում ԲԴԽ նախագահ Ռուբեն Վարդազարյանի դեմ՝ չընտրելով Վճռաբեկ դատարանի դատավորներին, բայց իրենց ինտելեկտը չի ներում հասկանալու, որ դրանով իրենք ԲԴԽ նախագահին որեւէ վնաս չեն պատճառել, վնաս պատճառել են այն հազարավոր քաղաքացիներին, որոնց գործերն ավելի են հետաձգվում դատավորների բացակայության պատճառով:

«Ես ուրախ եմ, որ ԲԴԽ նախագահը մարդկային ձեւով արձագանքեց բնազդային մղումների ուժով լկտի արշավիօն, որն իր դեմ կազմակերպած էր Նիկոլ Փաշինյանի եւ նր երիտթուրք ենթակա արդարադատության նմախարարի կողմից: Դա խայտառակություն է, որ մեր երկիրը 4 ամիս է պարտության տրամադրությունից դուրս չի գալիս»,-ասաց նա:

Արփինե Հովհաննիսյանը նկատեց, որ իրականում «վնգստացող դատավորներ» եղել են բոլոր իշխանությունների օրոք, եւ եղել են նաեւ դատավորներ, որոնք այդպիսին չեն եղել թե նախկինում, թե հիմա. «Անզորությունից ատամների կրճտոցը, որն իբր լսվում էր ԱԺ բարձր ամբիոնից, լինելու է ուղղակի հերթական անզորության, ապիկարության ու չարության դրսեւորումը սեփական երկրի նկատմամբ: Թե իրենք ինչ ներքին հարցեր ունեն ԲԴԽ նախագահի հետ, դա ինձ քիչ է հետաքրքրում»,-ասաց նա: