Մարտի 5-ն է, բայց կրկին դպրոցը դատարկ է. Հայկ Փայտյան (Տեսանյութ)
Ինչպես երեկ Operativ լրատվականը նշել էր, Աբովյանի թիվ մեկ դպրոցում իրավիճակը շարունակում է մնալ նույնը: Թեև դպրոց էր եկել Ժաննա Անդրեասյանը, սակայն դպրոցում դասապրոցեսը վերականգնված չէ:
Քիչ առաջ դպրոցից հեռացված ուսուցիչ Հայկ Փայտյանը, որը, ի դեպ, բազմիցս նշել է, որ հեռացվել է հենց իրավիճակը օբյեկտիվորեն իր Facebook-ի էջի միջոցով ներկայացնելու պատճառով, հանդես եկավ նոր տեսանյութով, որում շեշտում է, որ այսօր դպրոց են եկել Աշխատանքի և սոցիալական հարցերի տեսչությունից, սակայն, թեև ուսուցիչներ ևս եղել են դպրոցում, բայց նրանց ոչ ոք չի այցելել, նրանց տեսակետը ոչ ոք չի լսել, այլ միայն նորանշանակ տնօրենի հետ խոսելով այդ մարդիկ հեռացել են դպրոցից:
Հիշեցնենք, որ ինչպես դեռ փետրվարի 18-ին Operativ լրատվականը հաղորդել էր, Աբսուրդային իրավիճակ Աբովյանի թիվ մեկ Ավագ դպրոցում, 370 աշակերտից հարյուրը դպրոցից հեռանալու դիմում է գրել:
Operativ լրատվականի հետ բացառիկ հարցազրույցում դպրոցի ուսուցիչ Հայկ Փայտյանը նշել էր, որ ԿԳՄՍՆ-ն ոչինչ չի անում, դասապրոցես դպրոցում չկա, իսկ տնօրենն էլ հայտարարել է է, թե՝ գնում եք, գնացեք:
Նշենք, որ փետրվարի 20-ին Operativ լրատվականը հաղորդել էր նաև, որ ծնողները կրկին Աբովյանի թիվ մեկ դպրոցում էին, նորանշանակ տնօրենն էլ հայտարարել էր, թե դպրոցի պատմության ուսուցիչը՝ Հայկ Փայտյանը, ով հասարակությանը օբյեկտիվորեն իրազեկում է դպրոցում կատարվելիք աբսուրդի մասին, ազատված է:
Հայկ Փայտյանը նշում էր, որ դպրոցից հեռացվել է նաև տնտեսվարը:
Շեշտենք, որ փետրվարի 25-ին Operativ լրատվականը կրկին անդրադարձել էր այս խնդրին: «Աստված էլ իջնի, ես եմ լինելու այս դպրոցի տնօրենը», ասել էր նորանշանակ տնօրեն Քարմիլե Առաքելյանը, ում պատճառով ստեղծվել է այս ամբողջ անհեթեթությունը: