на Русском
«Լադանիվա» խմբի անդամներն այցելել են Ծիծեռնակ... 
Ես միշտ կկանգնեմ ձեր կողքին․ Ադամ Շիֆի տեսաու... 
«Կա՛մ կուղղեք ձեր դիրքորոշումը, կա՛մ որևէ երկխոսություն չի լինի». Մադուրոն վերջնագիր է ներկայացրել Եվրամիությանը
Կարակասն այլևս երբեք գործարքի կամ երկխոսության չի գնա Եվրամիության հետ, քանի դեռ վերջինս չի փոխել պատժամիջոցների քաղաքականությունը: Այս մասին հայտարարել է Վենեսուելայի նախագահ Նիկոլաս Մադուրոն, գրում է «ՌԻԱ Նովոստի» գործակալությունը:
Նախագահը հիշեցրել է, որ ԵՄ-ն պատժամիջոցներ է սահմանել ընտրություններին մասնակցող ընդդիմության, դատական իշխանության և զինված ուժերի դեմ:
«Նրանք խառնվում են ներքին գործերին, և ի՞նչ են սպասում: Որ մենք շնորհակալությո՞ւն հայտնենք մեզ վրա հարձակվելու համար: Ոչ. մենք երկխոսություն էինք փնտրում և կարևոր քայլեր էինք ձեռնարկում ընդդիմության և չավիզմի միջև երկխոսությունը վերականգնելու ուղղությամբ: Բայց այս ճանապարհով ոչ, կա՛մ դուք կուղղեք ձեր դիրքորոշումը, կա՛մ ձեզ հետ որևէ գործարք, որևէ տեսակի երկխոսություն չի լինի, պարոնայք Եվրամիությունից, որպեսզի իմանաք, որ Վենեսուելան գիտի ինչպես պատասխանել սպառնալիքներին, անկախ նրանից, թե որտեղից են դրանք գալիս»,-եզրափակել է Մադուրոն:
Ավելի վաղ ԵՄ-ն ընդլայնել էր Վենեսուելայի նկատմամբ սահմանափակող միջոցառումների ցուցակը՝ ընդգրկելով դրանցում բարձրաստիճան զինվորականների, ազգային ընտրական խորհրդի անդամների և խորհրդարանի նոր կազմի անդամների: Նոր պատժամիջոցները մտցվել են «երկրում ժողովրդավարությունն ու օրենքի գերակայությունը խաթարող գործողություններում և որոշումներում նրանց դերի համար, ինչպես նաև մարդու իրավունքների լուրջ խախտումների պատճառով»:
Ի պատասխան՝ Վենեսուելան երկրում անցանկալի անձ է հայտարարել ԵՄ-ի դիվանագիտական առաքելության ղեկավարին և 72 ժամ է տվել նրան երկրից հեռանալու համար:
