«80-ականների զենքի» մասին Փաշինյանի հայտարարությունն արդեն տգետ դիլետանտի նշան է. ռուս փորձագետ
«Հայտարարելով ռուսական «Իսկանդերի» անաշխատունակության մասին՝ Փաշինյանը, ինչպես ասում են, պետք է պատասխանատու լինի շուկայի համար»: Այս մասին «ԿՊ»- ին տված հարցազրույցում ասել է 37-ամյա ստաժով տակտիկական հրթիռների նախագծող ինժեներ, տեխնիկական գիտությունների դոկտոր Վլադիմիր Կովալյովը:
«Նման լուրջ պահանջներ ներկայացնելով հրթիռային համալիրին եւ միաժամանակ հրապարակայնորեն խոստովանել, որ «չգիտի» հարցի էությունը՝ Հայաստանի վարչապետի համար անարժան եւ նույնիսկ անպատվաբեր է: Դե, իսկ «80-ականների զենքի» մասին նրա հայտարարությունն արդեն տգետ դիլետանտի նշան է: Ի՞նչ «80-ականների զենքի» մասին կարող է խոսք լինել, եթե նույնիսկ ռուսական բանակն է միայն 2019-ի վերջին ավարտել «Իսկանդերով» զինվելը: Իսկ Հայաստանը արտահանման տարբերակով մի քանի այդպիսի համալիրներ է ստացել նույնիսկ ավելի վաղ, չէ՞ որ մենք ի վերջո դաշնակիցներ ենք:
Առաջ գնանք: Ես տասնյակ անգամ ականատես եմ եղել համալիրի փորձարկումներին եւ ոչ մի անգամ դեպք չեմ հիշում, որ մարտալիցքը չպայթի, ոչ մի անգամ: Իսկ որպեսզի դա տեղի ունենա, հավանաբար անհրաժեշտ է կա՛մ մարտագլխիկը ընդհանրապես «հանել հրթիռից», կա՛մ համալիրի սպասարկումը վստահել դիլետանտներին: Եվ այստեղ դեռ պետք է հասկանանք՝ կրակելուց առաջ «Իսկանդերն» արդյոք տգետնե՞րը չէին սպասարկում: Իսկ այստեղ պետք է լռել... Գիտե՞ք էլ ինչ մտածեցի, երբ Փաշինյանն ասաց, որ հրթիռի մարտագլխիկը պայթել է ընդամենը 10 տոկոսով: Որ վարչապետը իր անգրագիտությունը անհապաղ վերացնելու կարիք ունի: Այո՛, այո՛: Լիկբեզ է պետք: Նա, հավանաբար, կա՛մ դպրոցում երկուսներ է ստացել, կա՛մ ականջի ծայրով լսել է, որ արտահանման «Իսկանդերի» մարտալիցքի հզորությունը 10 տոկոսով ցածր է ռուսականից: Մոսկվան դա երբեք չի թաքցրել Երեւանից:
Բայց Փաշինյանն ամեն ինչ շփոթել է: Եվ լեզվի ծայրից ծիծաղելի բան բաց թողեց՝ ասելով, որ հայկական հրթիռի մարտալիցքը պայթում է ընդամենը 10 տոկոսով: Նման անհեթեթություն գոյություն չունի նույնիսկ հայկական հայտնի անեկդոտներում:
Եվ վերջինը: Փաշինյանը լռեց մի շատ կարեւոր բանի մասին. երբ հայկական «Իսկանդեր» հրթիռների վատ թիրախավորված մի զույգ պայթեց Ադրբեջանի ռազմավարական կարեւոր նշանակություն ունեցող նավթագազային օբյեկտներից ոչ հեռու, Բաքուն հստակ հասկացավ, որ իրենք պետք է պատերազմն ավարտեն: Եվ դուք նույնպես պետք է հասկանաք, թե ինչ ահռելի կորուստներ կունենար Ադրբեջանի տնտեսությունը, նույնիսկ եթե «Իսկանդեր» մարտալիցքը գործեր միայն զավեշտալի փաշինյանական 10 տոկոսով... Բայց Բաքվի համար զվարճալի չէր լինի...»: