Ղրղզստանը գրանցել է «Սպուտնիկ V» պատվաստանյութը
Ռուսական «Սպուտնիկ V» հակակորոնավիրուսային պատվաստանյութը պաշտոնապես գրանցվել է Ղրղզստանում, հայտնում է «ՌԻԱ Նովոստի»-ն՝ երկրի առողջապահության նախարարության մամուլի ծառայությանը հղումով:
«Ղրղզստանի Հանրապետության առողջապահության և սոցիալական զարգացման նախարարությանը կից դեղերի և բժշկական սարքերի վարչությունը գրանցել է պատվաստանյութի վկայագիր` SARS-CoV-2 վիրուսով վարակման դեպքում Gam-COVID-Vac պատվաստանյութով («Սպուտնիկ V») կանխարգելման համար», - հայտնել են մամուլի ծառայությունից:
Գերատեսչության խոսքով՝ պատվաստանյութի գրանցումը թույլ կտա «մոտ ապագայում պատվաստել բնակչությանը՝ կորոնավիրուսային վարակը կանխելու համար»:
Նշենք՝ Ղրղզստանում կորոնավիրուսի առաջին դեպքերը հայտնաբերվել են 2020 թվականի մարտի սկզբին: Մինչ օրս կորոնավիրուսակիրների թիվը գերազանցել է 86 հազարը, մահացել է 1460 մարդ:
Հիշեցնենք՝ ներկայում ԵՄ շուկայում թույլատրվում են Pfizer/BioNTech (գնվել է շուրջ 600 միլիոն դեղաչափ), Moderna (գնվել է 160 միլիոն դեղաչափ) և AstraZeneca (գնվել է մոտ 400 միլիոն դեղաչափ) ընկերությունների կողմից արտադրված պատվաստանյութերը: Բացի այդ, Եվրոպական հանձանաժողովը ԵՄ-ին պատվաստանյութեր մատակարարելու առնչությամբ պայմանագրեր է կնքել Johnson & Johnson, Sanofi-GSK, CureVac ընկերությունների հետ:
Ինչպես ավելի վաղ տեղեկացրել էր Tert.am-ը, Ռուսաստանի առողջապահության նախարարությունն օգոստոսին գրանցել էր կորոնավիրուսի դեմ աշխարհում առաջին պատվաստանյութը, որը մշակվել Է Գամալեայի անվան համաճարակաբանության և մանրԷաբանության ազգային հետազոտական կենտրոնում (ՀՄԱՀԿ)՝ Ռուսաստանի ուղղակի ներդրումների հիմնադրամի հետ համատեղ: Այն ստեղծվել Է մարդու ադենովիրուսային վեկտորների բազայի վրա և ստացել Է «Սպուտնիկ V» անվանումը: Այն լուծույթ Է՝ միջմկանային ներարկման համար: