Հայաստանի և Թուրքիայի հարաբերությունները շատ հեռու են բարեկամական լինելուց, ես հետևում եմ և՛ Էրդողանի, և՛ Չավուշօղլուի հայտարարություններին՝ բավականին մտահոգիչ են և ռասիստական. Հովհաննես Իգիթյան

Ես կարծում եմ, որ սահմանների փակ լինելը կապված չէ միայն ԼՂ-ում պատերազմի հետևանքների հետ, ինձ թվում է, որ Հայաստանի և Թուրքիայի հարաբերությունները շատ հեռու են բարեկամական լինելուց և երկար ժամանակ պետք է անցնի, որ Թուրքիայում փոփոխություններ լինեն, որպեսզի կարողանանք տեսնել ուղղակի երկիր, էլ չեմ ասում՝ հարևան երկիր: Ես Թուրքիայում չեմ տեսնում այդ մթնոլորտը, ես հետևում եմ և՛ Էրդողանի, և՛ Չավուշօղլուի հայտարարություններին և բավականին մտահոգիչ են ու ռասիստական. Ազգային ժողովում լրագրողների հետ ճեպազրույցի ժամանակ ասաց «Իմ քայլը» խմբակցության պատգամավոր Հովհաննես Իգիթյանը:

Հարցին, թե Հայաստանի Հանրապետությունը պահանջ ունի՞ Թուրքիայից, օրինակ՝ Հայոց ցեղասպանության ճանաչման հարցում, պատգամավորը պատասխանեց. «Ցեղասպանությունը մենք Թուրքիայից չեն պահանջում, դա իրականացված փաստ է, որ շատ երկրներ և միջազգային կազմակերպություններ հաստատեցին, այն ժամանակ, երբ ճնշումը բարձր լինի՝ Թուրքիան կճանաչի, մենք չենք խնդրում Թուրքիայից, որ ճանաչի, մենք երբեք չեն խնդրել, մենք փաստն ենք ֆիքսում և մենք միայնակ չենք, այս փաստը ճիշտ ձևով հասկանալու հարցում»:

Իգիթյանը, դիմելով լրագրողներին, հարց հնչեցրեց, թե արդյո՞ք նորմալ են համարում, որ Թուրքիան մեծ դերակատարություն ունի Լեռնային Ղարաբաղի մոնիտորինգի հարցում։

«Ո՞նց կարող է Թուրքիան օբյեկտիվ դերակատարություն ունենալ զինադադարի խախտման հարցում, եթե Ադրբեջանի կողմից ինչ-որ մի տեղ խախտում լինի ․․․ Թուրքիային չենք կարող համարել որպես օբյեկտիվ: Այդ հարցը փորձում ենք բարձրացնել, արտգործնախարարն ասել է բազմիցս, այս մասին հարց եմ տվել վարչապետին, ուր մնաց Մինսկի խումբը, արդյո՞ք համարում ենք, որ Մինսկի խումբը չունի իր դերակատարությունը: Ես բաց խոսում եմ Ֆրանսիայի կոլեգաների հետ՝ դուք Մինսկի խմբի համանախագահի պարտավորություն եք վերցրել ձեզ վրա, դուք ունե՞ք ինֆորմացիա, թե ինչ է կատարվում այնտեղ, ի՞նչ է կատարվում Հադրութում, արդյո՞ք մենք միջազգային հանրությունը կարո՞ղ է ունենալ այդ տեղեկությունները, իհարկե՝ ոչ»:

Հարցին, թե ո՞ւր մնաց Արցախի կարգավիճակը, Իգիթյանը նշեց. «Ես իմ կարծիքն ունեմ, ի՞նչ էլ լինի, ի՞նչ հայտարարություն, խաղաղարար ուժեր դա կարող է համարվել ժամանակավոր ոչ երկարատև զինադադար, որը չի կարելի համարել երկարատև խաղաղություն: Պարզ է, որ միակ երաշխիքը, որ ես եմ տեսնում՝ դա միջազգային կարգավիճակն է, որը որ կերաշխավորի, ինչպես կգանք այս վիճակին, դա արդեն կախված է ոչ միայն Հայաստանից»:

Լրագրողի հարցին, թե կա՞ արդյոք գաղտնի ստորագրված փաստաթուղթ, Իգիթյանը պատասխանեց՝ ես փաստեր չունեմ: