Այս ակցիայի մեսիջը շատ պարզ է, Հայաստանը ղեկավարում է հոգեպես անհավասարակշիռ մեկը. Քրիստինե Վարդանյան
Հայաստանում ամեն օր տեղի են ունենում դավաճան Նիկոլ Փաշինյանի դեմ ակցիաներ, եւ մենք, որ կիսում ենք այդ նույն պահանջը, մասնակցում ենք այդ ակցիաներին: Այս մասին, այսօր՝ փետրվարի 4-ին, Կկառավարության դիմաց Նիկոլ Փաշինյանի դեմ ուղղված բողոքի ակցիայի ժամանակ լրագրողներից ասաց ՀՅԴ երիտասարդական թեւի ներկայացուցիչ Քրիստինե Վարդանյանը:
«Շատ պարզ է ամեն ինչ, Նիկոլ Փաշինյանի հետ մենք ոչ մի հնարավորություն չունենք, ամեն ինչ ավելի վատ է լինելու եւ Հայաստանը դատապարտված է կործանման: Առանց Նիկոլի Փաշինյանի է, որ Հայաստանը հնարավորություն ունի ոտքի կանգնելու, վերականգնվելու եւ զարգանալու: Մարդկանց պետք է փոխանցել, որ հասկանալի է, որ մարդիկ հոգնել են պայքարից, բայց եթե իրավիճակը շարունակի այսպես մնալ, եթե դավաճան, ապաշնորհ եւ ՀՀ շահերին հակասող կառավարությունը շարունակի պաշտոնավարել, Հայաստանը դատապարտված է, մեր ֆիզիկական գոյությունը վտանգված է: Այս ակցիայի մեսիջը շատ պարզ է, Հայաստանը ղեկավարում է հոգեպես անհավասարակշիռ մեկը, ում գործողությունների արդյունքում պարտվել ենք պատերազմում, ով ի վիճակի չէ բանակցել ու առաջ տանել Հայաստըանի շահը»,-ասաց նա:
Նշենք, որ ՀՅԴ-ական երիտասարդները ակցիա են իրականացնում կառավարության շենքի դիմաց: Նրանց ձեռքին կան հետեւյալ գրառումներով պաստառներ. «Նիկոլ դավաճան», «Դավաճնը պետք է հեռանա», «Նիկոլ հեռացիր»:
Բացի այդ ակցիային միացան սպիտակ խալաթներով աղջիկներ՝ դատարկ հաշմանդամի սայլակով. «Նրանց հետ եկած կինն ասաց «Կանչ ենք ստացել ներսից, որ գալու ենք մեր հիվանդին տանենք գժանոց: Նոպա է, պետք է շուտ ժամանակին հասնել: Շեղում ունի, ասել են եկեք շուտ հասեք, նոպա է իր մոտ»,-ասաց նա՝ հավելելով, որ խոսքը Նիկոլ Փաշինյանի մասին է: