Քաղաքացիները փորձում են մտնել կառավարության շենք. Ոստիկանների եւ նրանց միջեւ բախումներ սկսվեցին (Տեսանյութ)

Իշխանափոխության պահանջով հանրահավաք իրականացնող քաղաքացիների եւ ոստիկանների միջեւ այսօր՝ հունվարի 28-ին Կառավարության շենքի առջեւ բախումներ սկսվեցին։

Հանրահավաքի մասնակիցները, որոնք հավաքված էին Դատախազության շենքի առջև, հայտարարեցին, որ շարժվում են Կառավարության շենք։

«Հայոց ազգային գվարդիա» ՀԿ ղեկավար, ազատամարտիկ Արշակ Զաքարյանը նշեց, որ ժողովրդի միջից կան առաջարկներ՝ մտնել դատախազության շենք, կամ կառավարության շենք։ Հավաքվածների արձագանքներին հետեւելով՝ որոշվեց, որ պետք է շարժվեն դեպի կառավարության շենք։

«Մենք գալիս ենք ազատագրելու կառավարության շենքը թշնամիներից եւ հրավիրում ենք բոլոր նրանց, ովքեր պատրաստ են ստանձնելու երկրի կառավարությունը, պարտավոր եք գալ եւ ստանձնել ժամանակավոր կառավարումը»,-ասաց Արշակ Զաքարյանը:

Արդեն կառավարության շենքի մոտ իրավիճակը լարվեց, քաղաքացիները փորձում էին մուտք գործել կառավարության շենք։

Մի քանի շարք կազմած, սաղավարտներով ու վահաններով զինված կարմիրբերետավորները վահաններով պաշտպանում են շենքը քաղաքացիներից՝ թույլ չտալով նրանց մտնել շենք:

Մենք պահանջում ենք Նիկոլ Փաշինյանի ձերբակալությունը. Արշակ Զաքարյան

Բանակը չէր պարտվի, եթե բանակին չհարվածեին թիկունքից․ գլխավոր դատախազից պահանջելու ենք ձերբակալել Փաշինյանին. Ա.Զաքարյանը հայտարարեց, որ հանրահավաքի մասնակիցները երթով շարժվում են դեպի դատախազության շենք

Իմ տունն այսօր թուրքից 30 մետր է հեռու, իմ 7 տարեկան աղջիկ երեխան ամեն օր թուրքի է տեսնում. պատերազմի մասնակից