«Կորցրել ենք Արցախը, կորցնում ենք Հայաստանը․ Նիկոլը մեզ ուզում է հագցնել ինքնասիրությունը վիրավորող «խալաթ»․ մենք այն չե՛նք հագնելու»․ Ս․ Սրապիոնյանը ներկայացրեց «Ձայն հայրենեաց»-ի հայտարարությունը
Հայրենիքն այսօր հայտնվել է օրհասական վիճակում, վտանգված է ոչ միայն մեր պետականությունը, այլև Հայաստանի գոյությունը ընդհանրապես։ Այս մասին «Ձայն հայրենեաց» նախաձեռնության երրորդ ընդլայնված հավաք-քննարկման ավարտին ներկայացնելով նախաձեռնության հայտարարությունը՝ ասաց գրականագետ Սերժ Սրապիոնյանը։
Ըստ հայտարարության՝ ակնհայտ է, որ գործող վարչակազմի ազգակործան քաղաքականության հետևանքով ոչ միայն կորցրինք Արցախը, այլև կորցնում ենք ռազմավարական նշանակություն ունեցող ռազմավարական տարածքներ ՀՀ-ից։
«Ամեն օր ժողովրդի թիկունքում պայմանավորված նոր անակնկալներ են մատուցվում, թշնամին արդեն ՀՀ դարպասներն է բախում՝ անարգել հայտնվելով Սյունիքում, Տավուշում, Սևանի մերձակայքում։ Երկրի ղեկավարի պաշտոնն զբաղեցնող անձի, նրա թիմի ու նրանց սատարողների լուռ համաձայնությամբ թշնամի երկրների «կիրթ» ղեկավարները նորահայտ «քարտեզներով» և GPS-ներով վերագծում են ՀՀ սահմանները։ Կորցրել ենք Արցախը, կորցնում ենք Հայաստանը»,-ասաց Սրապիոնյանը։
Նա նշեց՝ այսօր միավորվել են մեր ռազմական, մշակույթի և գիտության հաղթանակի կերտողները, հայաստանյաց սուրբ եկեղեցու հոգևոր հայրերը, և նրանք բոլորն այս վարչակազմից պահանջում են անհապաղ հեռանալ, դա է օրվա հրամայականը։
Սրապիոնյանը հիշեցրեց մի քանի տարի առաջ եղած դեպքը, երբ հային ՌԴ-ում մեղադրում էին սպանության մեջ և նրան դատավարության ընթացքում հագցրել էին կանացի խալաթ՝ այդպիսով փորձելով վիրավորել հայերի ինքնասիրությունը։ «Մեր աստղադիտարանի տաղանդավոր գիտնականներից մեկն օրինակ է բերել՝ Նիկոլն ու նրա վարչախումբն ուզում են մեզ այսօր հանգցնել այդ իմաստազրկող, ինքնասիրությունը վիրավորող խալաթը։ Մենք չե՛նք հագնելու այդ խալաթը, մենք հագցնելու՛ ենք այդ խալաթը»,-հայտարարեց նա։
Մանրամասները՝ տեսանյութում։
«Ձայն հայրենեաց» նախաձեռնության ընդլայնված հավաք-քննարկումը (Տեսանյութ)