Շվեդիայում տուգանք են սահմանել համավարակի պատճառով մտցված կանոնների խախտման համար
Նոր կորոնավիրուսի տարածումը կանխարգելելու համար Շվեդիայի իշխանությունների մտցրած սահմանափակումների խախտման համար տուգանքը կկազմի 2 հազար կրոն (238 դոլար): Այս մասին հայտնել է երկրի դատախազությունը, փոխանցում է ՏԱՍՍ-ը:
«Պետական դատախազը որոշել է, որ կանոնների խախտումը, որոնք կարող են մտցվել COVID-19-ի մասին ժամանակավոր օրենքի համաձայն, կնախատեսի 2 հազար շվեդական կրոնի տուգանք,- նշված է գերատեսչության մամուլի հաղորդագրության մեջ: Նոր տուգանքի մասին դրույթը կսկսի գործել հունվարի 27-ից»:
Համավարակի մասին ժամանակավոր օրենքը, որը գործում է 2021 թվականի հունվարի 10-ից մինչեւ սեպտեմբերի վերջ, կառավարությանն ավելի մեծ հնարավորություններ է տալիս կորոնավիրուսի տարածման դեմ պայքարի համար: Մասնավորապես՝ այն թույլ է տալիս փակել մարզասրահները, մարզական կառույցները եւ առեւտրի կենտրոնները, ինչպես նաեւ թույլ է տալիս տուգանել սահմանափակումները խախտելու դեպքում: