Ղրղըզստանում նախագահական ընտրություններում մշակել են քվեաթերթիկների 100%-ը. Մեծ տարբերությամբ առաջեւում է Սադիր Ժապարովը
Ղրղըզստանում կայացած արտահերթ նախագահական ընտրությունների բոլոր քվեաթերթիկները հաշվել են ձեռքով, ասվում է Ընտրությունների եւ հանրաքվեների կենտրոնական հանձնաժողովի կայքում: Այդ մասին հայտնում է Sputnik-Ղրղըզստանը:
Հաշվարկի արդյունքներով ձայները հետեւյալ կերպ են բաշխվել․
• Սադիր Ժապարով - 79,23%
• Ադախան Մադումարով - 6.78%
• Բաբիրժան Տոլբաեւ - 2.36%
• Միկտիբեկ Արստանբեկ - 1.69%
• Աբդիլ Սեգիզբաեւ - 1.45%
• «Բոլորին դեմ» տող - 1.34%
• Իմամիդին Տաշով - 1.18%
• Կլարա Սորոնկուլովա - 1%
• Այմեն Կասենով - 0,91%
• Ուլուկբեկ Կոչորով - 0,67%
• Կանատ Իսաեւ - 0,57%
• Էլդար Աբաքիրով - 0,50%
• Կուրսան Ասանով - 0,49%
• Բակտիբեկ Կալմամատով - 0,49%
• Ռավշան Ջեենբեկով - 0,19%
• Կանիբեկ Իմանալիեւ - 0.18%
• Ժենիշբեկ Բայտուտտիեւ - 0,1%
• Առստանբեկ Աբդիլդաեւ - 0,08%:
ԿԸՀ ցուցակում նաեւ նշվում է Ռաշիդ Թագաեւը, ով արդեն քվեաթերթիկների կնքումից հետո հանել է իր թեկնածությունը: Տեղամասային ընտրական հանձնաժողովների անդամները պարզապես փաստաթղթերում ջնջել են նրա անունը: Ըստ այդմ, նա «հավաքել է» զրո տոկոս:
Հաշվել են 2474 տեղամասերից բոլոր քվեաթերթիկները: Ընտրությունների ավարտի օրվանից ձեռքի հաշվարկից առաջ իրականացվել է նաեւ ավտոմատ հաշվարկ:
Ղրղըզստանի Հանրապետությունում քվեարկելու իրավունք ունի 3 միլիոն 563 հազար 574 մարդ: Ընտրությունների եկել է 1 միլիոն 401 հազար 726-ը: Մասնակցությունը կազմել է 39,33 տոկոս: