ԱՄՆ կոնգրեսականները փոխնախագահին կոչ են արել Թրամփին իշխանությունից հեռացնել
ԱՄՆ Կոնգրեսի Ներկայացուցիչների պալատը երեքշաբթի աջակցել է բանաձեւին, որով փոխնախագահ Մայքլ Փենսին կոչ է արվում ԱՄՆ ղեկավար Դոնալդ Թրամփին իշխանությունից հեռացնել՝ օգտվելով Սահմանադրության 25-րդ փոփոխությունից: Նիստի հեռարձակումը կատարվել է ամերիկյան օրենսդիր մարմնի ստորին պալատի կայքում, փոխանցում է ՏԱՍՍ-ը:
Նախաձեռնությանն աջակցել է 223 կոնգրեսական (նրանց թվում միայն մեկ հանրապետական է եղել), դեմ է հանդես եկել 205 հանրապետական:
Օրենսդիր մարմնի ստորին պալատի խոսնակ Նենսի Փելոսին (Կալիֆոռնիա նահանգից դենոկրատ) այս բանաձեւի հավանություն ստանալուց հետո Փենսին բազմիցս կոչ է արել արձագանքել 24 ժամում: Սակայն փոխնախագահը իր մերժման մասին հայտարարել է նախաձեռնության քվեարկությունը սկսելուց կարճ ժամանակ առաջ:
Ներկայացուցիչների պալատի եւ Սենատի բանաձեւերը, որոնք Կոնգրեսի յուրաքանչյուր պալատում առանձին են ընդունվում, իրավական ուժ չունեն եւ կրում են խորհրդատվական բնույթ: Օրենսդիրներն այս կերպ արտահայտում են այս կամ այն հարցում իրենց դիրքորոշումը, իսկ իշխանության գործադիր թեւը իրավասու է անտեսելու նման կարգի փաստաթղթերը: