Պերուում դատարանը Սորոսին, Գեյթսին և Ռոքֆելլերին «կորոնավիրուսի ստեղծողներ» է անվանել

Պերուի Իկա հարավային տարածաշրջանում Չինչա և Պիսկո նահանգների վերաքննիչ դատարանը հայտարարել է «աշխարհում գերիշխող քրեական էլիտաների»՝ նոր տիպի կորոնավիրուսի ստեղծման հարցում ունեցած մասնակցության մասին։ Նման պնդմամբ դատարանի անդամները հանդես են եկել իրենց որոշումներից մեկում, որի պատճենը երկուշաբթի հրապարակել է Peru 21 թերթը:

«Համաշխարհային կառավարություններից ոչ մեկը, ո՛չ մի ֆիզիկական կամ իրավաբանական անձ, ո՛չ էլ ամբաստանյալի պաշտպանությունը չեն կարող հաստատել, որ համաճարակը «կանխատեսելի» է, բացի այն ստեղծողներից՝ «նոր աշխարհակարգի հեղինակներից», ինչպիսիք են՝ Բիլ Գեյթսը, Սորոսը, Ռոքֆելլերը և այլք, որոնք կառավարում են վիրուսը, արտակարգ գաղտնիության պայմաններում ուղղորդում են իրենց համաշխարհային կազմակերպություններից և մինչև 2030 թվականը տեղի ունենալիք իրադարձությունների մասին կանխատեսումներ անում»,- ասված է փաստաթղթում:

Նշվում է, որ դատարանը նման հայտարարությամբ է հանդես եկել դատական գործի վերաբերյալ իրենց որոշումներից մեկում։

Համաճարակի սկզբից ի վեր աշխարհում կորոնավիրուսով վարակվել է շուրջ 90,3 մլն մարդ, ավելի քան 1,9 մլն մարդ մահացել է: