Կիմ Չեն Ընը հայտնել է Հյուսիսային Կորեայում ազգային միջուկային ուժերի ստեղծման ավարտի մասին
Հյուսիսային Կորեայի առաջնորդ Կիմ Չեն Ընը, ելույթ ունենալով Կորեայի Աշխատանքային կուսակցության VIII համագումարում, հայտարարել է, որ երկիրն ավարտել է ազգային միջուկային ուժերի ստեղծումը: Այս մասին այսօր հայտնել է Կորեայի Կենտրոնական հեռագրական գործակալությունը:
Կորեայի Աշխատանքային կուսակցության նախագահը, որը նաեւ ընտրվել է կուսակցության գլխավոր քարտուղար, ընդգծել է, որ Հյուսիսային Կորեայի կարգավիճակի եւ ազգային հզորության ընդհանուր մակարդակը «դուրս է եկել մինչեւ հիմա ամենաբարձր մակարդակ»:
Կիմ Չեն Ընը ավելի վաղ ԿԱԿ համագումարում նշել էր, որ երկրի իշխանությունները մտադիր են սպառազինության մեջ եղած հրթիռների խոցման շառավիղը, որոնք կարող է կրել միջուկային զենքը, մեծացնել մինչեւ 15 հազար կմ: Նա նաեւ շեշտել էր, որ խոցման շառավղի ընդարձակումը կհամակցվի հակառակորդի թիրախներին ճշգրիտ հարված հասցնելու հնարավորության հետ:
Դեկտեմբերի վերջին Yonhap գործակալությունը, վկայակոչելով հարավկորեական «Ասան» քաղաքական հետազոտությունների ինստիտուտի զեկույցը, պնդում էր, որ ընտրված նախագահ Ջոզեֆ Բայդենի կառավարման առաջին ամիսներին ԿԺԴՀ-ն կարող է միջմայրցամաքային բալիստիկ հրթիռի փորձարկում անցկացնել, եթե միջուկային բանակցություններն ԱՄՆ-ի եւ Հյուսիսային Կորեայի միջեւ փակուղուց դուրս չգան: Նոր բալիստիկ հրթիռները ցուցադրվել էին հոկտեմբերին անցկացված ռազմական շքերթի ժամանակ, այդ թվում` 12 874 կմ հեռահարությամբ նորացված Hwaseong-15-ը, որն ունակ է հասնել ԱՄՆ մայրցամաքի ցանկացած կետի: