1,5 տարի առաջ Փաշինյանը պատմել է Արայիկ Հարությունյանին՝ ինչ է լինելու Արցախի ճակատագիրը. Միքայել Մինասյան

1,5 տարի առաջ Նիկոլ Փաշինյանը պատմել է Արցախի նախագահ Արայիկ Հարությունյանին, թե ինչի տակ նրանք պետք է մտնեն, եւ ինչ է իր պատկերացումով լինելու Արցախի ճակատագիրը։ Այս մասին իր հերթական «լայվի» ժամանակ նշեց Վատիկանում ՀՀ նախկին դեսպան Միքայել Մինասյանը, ով իր երեկվա «լայվը» վերնագրել էր. «Քաղաքականության մահը. ցավը իմաստավորելու համար պետք է երազանք»:

«Խայտառակ շանտաժային գործընթացների մարմնավորումն է Ղարաբաղի նախագահ, իսկ այսօր Ֆեյսբուքի կլոուն Արայիկ Հարությունյանը։ Արայիկ Հարությունյանը, երբ Նիկոլ Փաշինյանը դարձավ վարչապետ, Արարատ Միրզոյանի միջոցով առաջարկեց իր ծառայությունները Նիկոլ Փաշինյանին։ Արարատ Միրզոյանը բանակցեց Արայիկ Հարությունյանի հետ ինֆորմացիայի դիմաց, հավատարմության երաշխիքների դիմաց եւ երաշխավորեց Նիկոլ Փաշինյանին՝ ասելով, որ գտել եմ նոր ստրուկ, նա պատրաստ է հոգին ծախել սատանային ինչ-ինչ բաների համար։ Իսկ ինչի՞ց էր վախենում Արայիկ Հարությունյանը, նա վախենում էր, որ Նիկոլ Փաշինյանը ջրի երես կհանի իր թալանի ամբողջ գործընթացները, որոնցում մինչեւ կոկորդը թաթախված է Արայիկ Հարությունյանը։ Նրանք պայմանավորվեցին, եւ պայմանավորվածության առաջին փուլոը տեղի ունեցավ Հռոմ քաղաքում, ուր գնացել էին գաղտնի բանակեցելու Արարատ Միրզոյանը եւ Արայիկ Հարությունյանը։ Գործարքի երաշխավորը շատ հայտնի սփյուռքահայ բարերար գործարար է, որը նաեւ ներկա է եղել այդ խոսակցությանը՝ Արայիկի խնդրանքով։

Այնուհետեւ տեղի ունեցավ մի հետաքրքիր բան․ Նիկոլ Փաշինյանը քրեական գործերը առկախեց Արայիկի վրա եւ ցույց տալով, որ դու պետք է այսպես անես՝ նրան առաջարկեց համագործակցություն։ Համագործակցության հիմքում Արցախն էր, որովհետեւ 1,5 տարի առաջ եղել է հանդիպում, որին ներկա էին Նիկոլ Փաշինյանը, Արայիկ Հարությունյանը, Արարատ Միրզոյանը եւ այն ժամանակվա ԱԱԾ ղեկավար Կամո Աղաջանյանը։ Այդ չորս անձինք խոսել են Նիկոլ Փաշինյանի ներկայացրած ծրագրի շուրջ, որովհետեւ 1,5 տարի առաջ Նիկոլ Փաշինյանը պատմել է Արայիկին, թե ինչի տակ նրանք պետք է մտնեն, եւ ինչ է իր պատկերացումով լինելու Արցախի ճակատագիրը, պատմել է այն, ինչ տեղի է ունենում այսօր»,-ասաց նա։

Մինասյանը ասաց, որ անհավատալի է, բայց ասում են, որ վերջին մեկ տարվա ընթացքում Արայիկ Հարությունյանը եւ Կամո Աղաջանյանը վաճառել են բոլոր բիզնեսները, որոնք պատկանում էին իրենց կամ իրենց առնչվող անձանց, որոնք գտնվում էին Ջաբրայիլում, Ֆիզուլիում, եւմ ամենակարեւորը՝ Հադրութում։

«Հադրութի շրջանի այգիները, որոնք պատկանում էին այդ երկուսին կամ առնչվող անձանց, կես գնով վաճառվել են երրորդ անձանց։ Արայիկ Հարությունյանը նույնիսկ օգնել է, որ մարդիկ ֆինանսավորում գտնեն բանկերի եւ հիմնադրամների միջոցով։ Զուգադիպությո՞ւն է, հնարավոր է։ Ես զուգադիպություններին չեմ հավատում, ես հավատում եմ դավաճանական ծրագրերին, որոնք իրականացվեցին բոլորիս աչքի առջեւ։ Արայիկ Հարությունյանը փրկեց իր սեփականությունը, բայց չի փրկելու իր հոգին։ Հադրութցի մի մարդ օրեր առաջ վառեց Արայիկ Հարությունյանի խանութը Ստեփանակերտի կենտրոնում։ Նա եկավ Հադրութից՝ գոռալով, որ «դու վառեցիր իմ տունը, իսկ ես կվառեմ քո բիզնեսը»։ Վառեց այն բիզնեսը, որը կորցնելու վախով Արայիկ Հարությունյանը հանձնեց հայրենիքը այն վախից ելնելով, որի պատճառով նա լռում է մինչեւ հիմա, այն վախով, որ նույնիսկ իմանալով, թե ինչ է կատարվում՝ պատերազմի օրերին, որովհետեւ կա ձայնագրությունը, որտեղ նա ասում է, որ Նիկոլ Փաշինյանը զորք չի ուղարկում, զենք չի ուղարկում, Արայիկը լռեց, իսկ առաջին լայվը, որ արեց Ֆեյսբուքում ի պաշտպանություն Նիկոլ Փաշինյանի էր։ Արայիկ Հարությունյանը կորցնելու է ամեն ինչ, նա արդեն չունի ապագա, չ ունենալու նաեւ բիզնեսներ, որովհետեւ մարդիկ վառելու են, ինչպես վառելու են բոլոր նրանց բիզնեսները, որոնք փողը փոխեցին հայրենիքի հետ»,- հավելեց նա։