Վազգեն Մանուկյանի, Իշխան Սաղաթելյանի և Արթուր Վանեցյանի ճեպազրույցը՝ ԱԳ նախարարի հետ հանդիպում (Տեսանյութեր)
ԱԳ նախարարին մենք հայտնեցինք մեր մտահոգությունները, լսեցինք որոշ բացատրություններ դրա վերաբերյալ. ինչ վերաբերում է ավելի մանրամասներին, ապա մենք դեռ հանդիպում ունեն ԶՈՒ գլխավոր շտաբի պետի հետ, այդ բբոլոր հանդիպումներից հետո կամփոփենք եւ հայտարարություն կանենք: Այս մասին, այսօր՝ հունվարի 9-ին, ԱԳ նախարար Արա Այվազյանի հետ հանդիպումից հետո հայտարարեց «Հայրենիքի փրկության շարժման» վարչապետի թեկնածու Վազգեն Մանուկյանը:
Նա չհստակեցրեց, թե երբ են հանդիպելու ԳՇ պետ Օնիկ Գասպարյանի հետ ասելով. «Կիմանաք, երբ որ պետք լինի»:
Հարցին, թե այսօրվա հանդիպումն իրեն բավարարե՞ց, Վազգեն Մանուկյանը պատասխանեց. «Հարցերին մենք ստացել ենք պատասխաններ. Որոշ հարցերի պատասխաններ բավարարել են, որոշ պատասխաններ կիսատ են մնացել: Մենք մյուս հանդիպումից հետո ավելի մանրամասն կխոսենք դրա մասին»:
Ավելի վաղ հայտնել էինք, որ «Հայրենիքի փրկության շարժման» վարչապետի թեկնածու Վազգեն Մանուկյանը, ՀՅԴ ԳՄ ներկայացուցիչ Իշխան Սաղթելյանը և «Հայրենիք» կուսակցության առաջնորդ Արթուր Վանեցյանը հանդիպել էին ԱԳ նախարարի հետ: