Լոնդոնը, Բեռլինը և Փարիզը կոչ են արել Թեհրանին դադարեցնել ուրանի հարստացումը
![](/timthumb.php?src=disc/06-01-21/c3dca8be143357e33d117c6831256aa9.jpg&w=450)
Բրիտանիան, Գերմանիան և Ֆրանսիան Իրանին կոչ են արել անհապաղ դադարեցնել ուրանի հարստացումը մինչև 20%: Այս մասին ասվում է Միացյալ Թագավորության Արտաքին գործերի նախարարության կողմից տարածված երեք երկրների համատեղ հայտարարության մեջ:
«Մենք խորապես մտահոգված ենք այն փաստով, որ Իրանը հունվարի 4-ին Ֆորդուի ստորգետնյա հարստացման գործարանում սկսել է ուրան հարստացնել մինչև 20%», – ասվում է փաստաթղթում:
Հեղինակների կարծիքով՝ դա խախտում է իրանական միջուկային ծրագրի վերաբերյալ Գործողությունների համատեղ համապարփակ ծրագիրը (JCAP): Երկրները նաև Իրանին կոչ են անում չձեռնարկել հետագա քայլեր, որոնք հրահրում են աշխարհում լարվածության աճը:
Պաշտոնական Թեհրանը երբեք չի հաստատել, որ միջուկային զենք է մշակում: Երկրի իշխանությունները միշտ հայտարարել են, որ ատոմն օգտագործում են միայն խաղաղ նպատակներով: 2015 թվականին Ռուսաստանը, Միացյալ Նահանգները, Ֆրանսիան, Բրիտանիան, Չինաստանը և Գերմանիան պատժամիջոցների չեղարկման դիմաց համաձայնագիր ստորագրեցին Իրանի իշխանությունների հետ՝ միջուկային ծրագիրը սառեցնելու մասին:
Փաստաթուղթը ստացել է Գործողությունների համատեղ համապարփակ պլան (ՀՍԳԳ) անվանումը: Ըստ համաձայնագրերի տեքստի՝ Իրանը կարող է շարունակել ուրանի հարստացումը, բայց ոչ ավելի, քան 4%: