Որդուս լուսանկարը կա Գորիսից, առողջապահության նախարարությունից են ցույց տվել. տեղափոխել են Երևան, չենք կարողանում գտնել. անհետ կորած զինծառայողի հայր
Առողջապահության նախարարությունից ասել են՝ մեր տղան Գորիսի հիվանդանոցից տեղափոխվել է: Որ բուժհաստատություն դիմում ենք, հենց ընդունարանից ասում են՝ մենք անգիտակից հիվանդ չունենք: Այս մասին Կառավարության դիմաց անհետ կորած զինծառայողների բողոքի ակցիայի ընթացքում լրագրողների հետ զրույցում աաց զինծառայող Արամայիս Թադևոսյանի հայրը՝ Գեղամ Թադևոսյանը:
Նա նշեց, թե զրուցել են նաև Գորիսի հիվանդանոցում իրենց որդուն լուսանկարած անձի հետ, սակայն այժմ տեղեկություն չկա:
«Հիմա երկրի առաջին դեմքին ենք հարցնում՝ ուր է մեր երեխան: Որ պետք է լինում, լավ էլ գտնում են: Գերի չէ, երեխայի նկարը կա, խալերը նույնն են: Չգիտեմ՝ ինչու ճիշտը չեն ասում: Ես հիմա ուզում եմ վայրկյան շուտ երեխայիս գտնել, ինքը հիմա կոմայի մեջ է: Այսպես չի կարելի, քանի կար, պատերազմ էր, հիմա էլ ընկել ենք ուրիշ ուղղություններով ենք ման գալիս, փաստորեն երեխան Հայաստանում է, ման ենք գալիս, մեր հողի մեջ չենք կարողանում մեր երեխային գտնել»,-ասաց նա:
Անհետ կորած զինծառայողների ծնողները կառավարության շենքի առջև են (Տեսանյութ)
Անորոշ վիճակ է, մինչեւ ե՞րբ է այսպես շարունակվելու․ անհետ կորած զինվորի մայր
Պնդում եմ՝ Բաքվում 800-ից ավելի գերի կա․ անհետ կորած զինծառայողի հայր