Պարո՛ն Փաշինյան, բա մենք դրա համար ե՞նք քեզ հետ պայքարել, հիմա գալիս ես էս խեղճ ու աղքատ գյուղացուց հողը խլում ես, տալիս ադրբեջանցուն

Պարո՛ն Փաշինյան, բա մենք դրա համար ե՞նք քեզ հետ պայքարել, հիմա գալիս ես էս խեղճ ու աղքատ գյուղացուց հողը խլում ես, տալիս ադրբեջանցուն։ Այս մասին Գորիսի փոխքաղաքապետ Մենուա Հովսեփյանի Ֆեյսբուքի էջի ուղիղ եթերում հայտարարել է որոտանցի այգեգործը։

«Մենք գտնվում ենք Որոտան համայնքում, Գորիսի այգեգործական ընկերության տարածքում։Որտեղ որ ես եմ կանգնած, այս հատվածից ներքեւ GPS-ով որ նայում ենք, մեր տարածքն է ընկնում։ Հիմա ադրբեջանցիները ռուսների հետ եկել են, ասում են՝ այստեղից մի 200 մետր մեր տարածքն է։ Ախր, ինչպե՞ս հասկանանք, դուք ձեր կաբինետներում նստած, չեք հետաքրքրվում, թե այստեղ ինչ է կատարվում։ Հետո ասում եք՝ զանգեզուրցին մեզ պաշտպանի, ձեր երեսն ուզում ե՞նք տեսնել, որ դեռ ձեզ էլ պաշտպանենք, այ կաբինետներում նստած մոլախոտեր։ Այդքանից հետո էլ ասում եք՝ լավ աշխատանքի համար պարգեւատրվում ենք։ Չեք ամաչո՞ւմ, գետինը չեք մտնո՞ւմ դուք։ Ինչ ասենք, որ սիրտներս հովանա։ Հիմա ես այգի եմ գցել, ծախս եմ արել, ո՞վ է իմ փոխհատուցումը տալու։ Դուք ժամանակին այգեգործական հող եք հատկացրել, ասում եք՝ մենք մեկ միինետր հող չենք տալու։ Պարո՛ն Փաշինյան, բա մենք դրա համար ե՞նք քեզ հետ պայքարել։ Հիմա գալիս ես էս խեղճ ու աղքատ գյուղացուց հողը խլում ես, տալիս ադրբեջանցուն։ Ուրեմն դու ինչ-որ գումար ես վերցրել, որ մեզ էս վիճակն ես գցել։ Մեզ խաբում ես, սրանից հետո է՛լ ինչ ենք տալու, որ պրծնենք քեզնից էլ, իրենցից էլ։ Ասա, ո՞ւր գնանք կորչենք։ Կամ հնարավորություն տուր մեր երկրից դուրս գանք, մենք հինգ հոգանոց ընտանիք ենք, ֆինանսավորիր, գնանք Սուդան, պրծնենք քեզանից։ Ճանապարհիր մեզ, գնանք, էլի։ Եթե այսպես ես վերաբերվում, վաղն էլ մեզ ես ծախելու։ Տավուշի մարզի սաղ հողերը տուր, ազատիր մեզ այս կյանքից։ Ի՞նչ եք ուզում մեզանից, ժողովրդին սպանելու ե՞ք այստեղ, ամոթ է, ամոթ։ Ասում էիք, թե թշնամու ողնաշարը Ջաբրայիլում կոտրեցինք, ձեր ողնաշարը կոտրեցիք՝ մեզ վրա գցեցիք։ Իսկանդերը օրացույց է՞ր, դրեցիր գրպանդ, թե զենք ենք բերել, զենք ենք բերել․․․ Արմեն Սարգսյան, մի՞թե ամոթ չէ քեզ, նախագահ լինելով, ունեցվածքդ պաշտպանելով չդիմեցիր Անգլիային, Ֆրանսիային, Նովեգիային, թե մենք ստիպված ենք պայթեցնել նավթամուղը։ Վագոններով զենքը թողեցինք Կուբաթլուոմ, փախանք, եկանք։ Կուբաթլիից մինչեւ Շուշի կամուրջներ կային, ոչ մեկը չպայթացրեցիք, գոնե այդ զենքը պայթեցինեիք, չտայիք իրենց», ասել է որոտանցի այգեգործը։

Մենուա Հովսեփյանն էլ ավելացրել է, որ էլի այսպիսի ընտանիքներ կան, իսկ բոլոր նրանք, ովքեր փոքր-ինչ կասկածներ ունեն, պատրաստ է բոլորին ուղեկցել եւ ծանոթացնել իրավիճակի հետ։

«Եկեք Գորիս, ծանոթացեք իրավիճակին, հերիք է նստեք ձեր տաքուկ երեւաններում։ Եկեք, տեսեք ինչ է կատարվում, եկեք ծանոթացեք ժողովրդի իրական խնդիրներին, ոչ թե համակարգչի առջեւ ստեղնաշարի վրա նվագեք», ասել է Գործիսի փոխքաղաքապետը։