Թաիլանդցի թագավորի սիրուհու հեռախոսը կոտրել են եւ լուսանկարներն ուղարկել միապետության քննադատներին
Թաիլանդի թագավոր Մախա Վաջիրալոնգքորնի սիրուհու ավելի քան 1400 գողացված լուսանկար է ուղարկվել տարբեր մարդկանց՝ փորձելով կնոջն անհարմար դրության մեջ դնել թագավորական ընտանիքի թշնամանքի ֆոնին:
Լուսանկարները, որոնց մեծամասնությունը բավականին անկեղծ էին, ուղարկվել էին բրիտանացի լրագրող Էնդրյու ՄաքԳրեգոր Մարշալին, որը քննադատել էր Թաիլանդի միապետությունը, հաղորդում է The Times-ը: Մարշալը գրել է, որ ակնհայտ է, որ լուսանկարները վերցված են կնոջ անձնական հեռախոսից: «Նկարների մեծամասնությունը հենց սիրուհին է նկարել, որոնց մեջ տասնյակ նկարներ բավականին անկեղծ են: Հավանաբար, նա նկարվել էր Վաջիրալոնգքորնին ուղարկելու համար»,-գրել է Մարշալը:
Մարշալն ասել է, որ չի հրապարակի լուսանկարները, քանի որ դա ներխուժում է անձնական կյանք, որը չի կարող արդարացվել հանրությանը արժեքավոր նոր տեղեկավտություն տրամադրելու համատեքստում:
Թագավորի սիրուհին՝ Քոյը, բանակի նախկին բուժքույր է, որը 2019 թվականին ստացել է թագավորական կոնսորտի կոչում:
Հաղորդվում է, որ Կոյն ու թագուհի Սուտիդան ունեին լարված հարաբերություններ, ինչի հետեւանքով 2019 թվական հոկտեմբերին Կոյին զրկել են բոլոր տիտղոսներից: Սակայն օգոստոսին թագավորն ու Կոյը հաշտվել են, եւ նրան վերադարձվել են թագավորական եւ զինվորական տիտղոսները:
Դա առաջին դեպքը չէ, երբ Թաիլանդի թագավորական ընտանիքի անկեղծ նկարները տարածվում են քաղքական նպատակներով:
«2007 թվականին տարածվել էր տխրահռչակ տեսանյութ, որում թագավորի երրորդ կինը կիսամերկ էր 2001 թվականին իր ծննդյան տոնակատարության ժամանակ»,-գրել է Մարշալը ֆեյսբության իր էջում: «Թագավորի եւ նրա ներկայիս տիկին Սուտիդայի անկեղծ լուսանկարները նույնպես տարածվել էին մի քանի տարի առաջ: Թագավորի զարմուհու մերկ լուսանկարները եւս հրապարակվել էին չպարզված հանգամանքներում»: