на Русском
Ես և իմ գործընկերները ԵՄ-ում շարունակելու ենք... 
Սերժ Սարգսյանը հարգանքի տուրք է մատուցել Հայո... 
Ակնհայտ է, որ մենք մեր պատմության մի շրջափուլ ավարտում ենք, բայց, որքան էլ դաժան հնչի, ամեն մի փլուզում զրոյական կետ է, նորը ստեղծելու հնարավորություն. Փաշինյան
Ինչպես քիչ առաջ Operativ լրատվականը նշել էր, ՀՀ Վարչապետը հանդես էր եկել տեսաուղերձով:
Վերջին 84 օրերը մեր ժողովրդի ծանրագույն օրերի թվին են դասվում առանց կասկածի, մենք ազգովի անցել ենք և անցնում ենք մղձավանջի միջով, երբեմն թվում է՝ մեր երազանքները ջարդուփշուր են եղել, երբեմն թվում է՝ մեր լավատեսությունը փուլ է եկել, այս ամենի հետևանքով ձևավորվել և ձևակերպվել է մի մեծ հարցական՝ ինչպե՞ս ենք ապրելու սրանից հետո, ո՞րն է լինելու նպատակը, ինչո՞ւ ամենը այսպես դասավորվեց: Այս մասին ժողովրդին ուղղված իր ուղերձում ասաց Նիկոլ Փաշինյանը:
Նա շեշտեց, որ ստանձնել է տեղի ունեցածի ամբողջական պատասխանատվությունը, որը կրում է ի պաշտոնե, ասել է, որ խոնարհությամբ կընդունի ցանկացած դատավճիռ, որ ժողովուրդը կկայացնի, բայց և չի կարող չասել, եթե քավության նոխազի ինստիտուտը լավ է սրտի հովության, զայրույթն ու ցասումը պարպելու համար, ամենևին պարտադիր չէ տեղի ունեցածն իր խորության ու ամբողջության մեջ հասկանելու համար, մի բան, որ անհրաժեշտ է ապագան կառուցելու տեսակետից:
«Սա չի նշանակում, թե պատերազմի հանգամանքների ուսումնասիրություն չպետք է իրականացվի, կոնկրետ դրվագներով մեղավորները չպետք է հայտնաբերվեն ու պատասխանատվության ենթարկվեն, բայց մեզ իրականության ավելի խոր վերլուծություն է հարկավոր, տեղի ունեցածը չէր կարող մեկ կամ մի քանի հոգու, մեկ կամ քանի տարվա սխալների հետևանք լինել, պետք է առերեսվել իրականության հետ ու խոստովանել, որ մենք սխալներ ենք գործել երկար տարիներ»,- հայտարարեց նա:
Նա նշեց, որ ինքը, իհարկե, փորձում էր իրադրությունը շտկել, բայց հիմա առավել ևս համոզվում է՝ պատմության պտտվող թափանիվը կանգնեցնելու ժամանակ պարզապես չկար, դիմադրությունը հուսահատ էր, բայց՝ ոչ անիմաստ. «Սա ասում եմ համոզված: Այսօրվա իմ ուղերձի իմաստն ու նպատակը երկրում ինստիտուցիոնալ հուսահատությունը չէ, այլ ընդհակառակը՝ լավատեսություն ու հույս կերտելը, նույնիսկ նրանց համար, որոնք մտածում կամ մեկնաբանում են, որ այսպիսով ավարտվում է մեր պատմությունը: Այն, որ մենք մեր պատմության մի շրջափուլ ավարտում ենք, ակնհայտ է, բայց իսկական ողբերգությունն այն կլինի, եթե շարունակենք ապրել ավարտի ու ավարտական տրամադրության մեջ: Սրանում է իմ մտավախությունը, որ մենք այդպես էլ չկարողանանք հաղթահարել ավարտի և ավարտական այս տրամաբանությունը ու շարունակել մնալ նրա մեջ, շարունակել վնասել ինքներս մեզ: Ամեն մի փլուզում, որքան էլ դաժան հնչի, զրոյական կետ է, նորը ստեղծելու հանարվորություն»,- ասաց նա:
