Սա ևս մեկ փաստարկ է նրանց համար, ովքեր քարոզում են, թե հնարավոր է ադրբեջանցիների հետ ընկերություն, առևտուր անել, դիվանագիտական հարաբերություն հաստատել․ Ա․ Սաղաթելյանը՝ ադրբեջանական նոր հարձակման մասին
Հասարակական- քաղաքական գործիչ Արման Սաղաթելյանը երեկ Ոստիկանության մոտից դեպի «Բաց հասարակությունների հիմնադրամ» երթի ընթացքում անդրադարձավ ադրբեջանական վերջին հարձակմանը՝ Հադրութի հայկական մնացած երկու բնակավայրերի՝ Մեծ Թաղերի ու Խծաբերդի ուղղությամբ։
«Սա ևս մեկ փաստարկ է բոլոր նրանց համար, ովքեր քարոզում են, որ հնարավոր է ընկերություն անել, առևտուր անել, դիվանագիտական հարաբերություններ հաստատել, բարեկամություն անել, պետք է հստակ հասկականք՝ ում հետ գործ ունենք։
Մեր բոլոր առնչությունները թուրքերի հետ կարծում եմ պետք է մեզ պատմականորեն ուսուցաներ, որ երբ մատդ տալիս ես, որ կծեն, նրանք թևդ պոկելու են և տանեն, եթե մի տեղ զիջում ես, միշտ ես զիջելու, եթե մի տեղ քայլ հետ ես անում, դու միշտ ես հետ քայլելու, և եթե մեկ անգամ դու ընդունում ես, որ քեզ որևէ բան պարտադրեն, քեզ միշտ են դա պարտադրելու»,-ասաց նա։
Սաղաթելյանը խոսեց նաև ադրբեջանական կողմի հռետորաբանության մասին,այն խայտառակություն որակելով։
«Սա խայտառակություն է և որևէ արժանապատիվ հայ՝ անկախ նրանից՝ ՀՀ քաղաքացի է, Արցախի բնակիչ թե սփյուռքի հայրենակից, կարող է անտարբեր մնալ, երբ Ադրբեջանի նախագահը ցանկացած առիթով ծաղրում, նվաստացնում է մի մարդու, ով շարունակում է իրեն համարել այս երկրի վարչապետը, և համառորեն շարունակում է պինդ նստած մնալ այդ աթոռին՝ հասկանալով կամ չհասկանալով, որ ի դեմս իրեն նվաստացնում են ամբողջ հայ ժողովրդին, ի դեմս իրեն վիրավորում են ՀՀ բոլոր քաղաքաքցիներին և մենք որևէ համարժեք պատասխան չենք լսում»,-ասաց նա։
Մանրամասները՝ տեսանյութում։