Saxo Bank-ի «ցնցող կանխատեսումները» 2021 թվականի համար
2021 թվականի համար Saxo Bank-ի «ցնցող կանխատեսումները» ներառում են էներգիայի առաջխաղացում, որը էներգիայի լիություն կբերի աշխարհին, ինչպես նաեւ խոշոր քաղաքների ամայացում՝ հեռավար աշխատանքի անցնելու եւ բլոկչեյնի կողմից կեղծ լուրերի ոչնչացման հետեւանքով, հաղորդում է «Ինտերֆաքսը»:
Նման կանխատեսումներ բանկը հրապարակում է արդեն 18 տարի: Նրանք ներդրողների ուշադրությունը հրավիրում են ոչ թե հիմնական միտումների վրա, չնայած, իհարկե, դրանք հաշվի են առնվում, այլ քիչ հավանական իրադարձությունների (այսպես կոչված «սեւ կարապներ»), որոնք իրականանալու դեպքում կարող են էական ազդեցություն ունենալ ֆինանսական շուկաների վրա:
COVID-19 համավարակի եւ ԱՄՆ ընտրությունները դժվար ընթացքը մերձեցրել են այն, ինչ կարող էր հեռավոր ապագա թվալ, արագացրել են գրեթե բոլոր սոցիալական եւ տեխնոլոգիական մակրոտնտեսական միտումները, հայտարարել է Saxo Bank-ի ներդրումների հարցերով տնօրեն Սթին Յակոբսենը:
«Պարզ ասած՝ այն, ինչ տեղի ունեցավ այս տարի, նշանակում է, որ ապագան արդեն եկել է»,- ասել է նա ՝ ներկայացնելով կանխատեսումը: «Մենք տեսանք պատմության մեջ շուկայի ամենաարագ անկումը եւ վերականգնումը, եւ կենտրոնական բանկի հաշվեկշիռները եւ բյուջետային դեֆիցիտները աճել են աննախադեպ տեմպերով: Այսպիսով, կարելի է ոչ այնքան ցնցող կանխատեսում անել՝ 2021 թվականը կստիպի կասկածել այն բանում, որ իբր կարելի է անվերջ ձեւացնել, թե ամեն ինչ կարգին է, նույնիսկ եթե շուկաները կողմնորոշվեն դեպի դա»:
Կորոնավիրուսային համավարակը արագացրել է գրեթե յուրաքանչյուր մակրոմիտումը: Հատկապես կարեւոր են աշխատաշուկայում կառուցվածքային փոփոխությունները, բայց միեւնույն ժամանակ, աշխարհում տնտեսական օգուտների ընդհանուր ծավալը միայն կմեծանա՝ նույնիսկ մեկ շնչի հաշվով:
Բանկն ավանդաբար ընդգծում է, որ «Ցնցող կանխատեսումները» իր պաշտոնական կանխատեսումը չեն՝ դրանք միայն զգուշացնում են, որ շատ ներդրողներ կարող են սխալվել՝ վերոնշյալ իրադարձությունների հավանականությունը աննշան գնահատելով:
Saxo Bank-ն ընտրում է տասը առավել վիճելի եւ միմյանց հետ չփոխկապակցված գաղափարները, ընդ որում՝ նույն կանխատեսումը չի կարող կրկնվել երկու տարի անընդմեջ:
Amazon-ը «կգնի» Կիպրոսը
Գալիք տարին կստիպի Amazon.com Inc.-ին եւ այլ մեդիահսկաներին զգուշավորությամբ վերաբերվել կառավարություններին, որոնք կարծում են, որ դրանք չափազանց հզորացել են եւ չափազանց քիչ հարկեր են վճարում:
Տեսնելով պաշտոնյաների աճող հակակրանքը՝ Amazon-ը իր եվրոպական կենտրոնակայանը տեղափոխում է Կիպրոս: Այնտեղ հսկա կորպորացիան եւ նրա հարկերը ողջունվում են գրկաբաց, ինչը կօգնի երկրին կրճատել պարտք-ՀՆԱ հարաբերակցությունը, որն այժմ գրեթե 100% է կամում: Կիպրոսը հիշում է, թե ինչպես ԵՄ-ն վարվեց իր հետ 2010-2012 թվականների ինքնիշխան պարտքի ճգնաժամի ժամանակ:
Amazon-ի խորհրդատուները «կօգնեն» Կիպրոսին իռլանդական մոդելով վերաշարադրել իր հարկային օրենսգիրքը՝ միայն եկամտահարկի եւ այլ հարկերի նույնիսկ ավելի ցածր դրույքաչափերով: Երկրի ինչպես ղեկավարները, այնպես էլ բնակչությունը միայն գոհ է փողերի անսպասելի ներհոսքից եւ հարկերի կրճատումներից:
Սակայն եվրոպական կարգավորիչները արագորեն կպարզեն, թե ինչ է տեղի ունենում եւ միջոցներ կձեռնարկեն Amazon-ի դեմ՝ ընկերությանը ստիպելով փոխել իր մեթոդները, իսկ Կիպրոսին՝ հարկային օրենսդրությունը համապատասխանեցնել ԵՄ այլ երկրներին: 2021-ին ԱՄՆ-ը եւ այլ երկրներ նույնպես հարձակման կանցնեն մենաշնորհների դեմ, որոնք իրենց մասին չափազանց մեծ կարծիքի են:
Բլոկչեյնը կոչնչացնի կեղծ նորությունները
Ապատեղեկատվություն տարածելու եւ վստահությունը թուլացնելու աճող սպառնալիքը նույնիսկ հայտնի լրատվամիջոցների նկատմամբ հասնում է կրիտիկական մակարդակի՝ պահանջելով համակարգային պատասխան: Խոշոր լրատվամիջոցները եւ սոցիալական ցանցերը ստիպված են նոր միջոցներ ձեռնարկել ստի եւ լուրերի շահարկման դեմ: Դա հնարավոր կլինի շնորհիվ ընդհանուր բլոկչեյն ցանցի, որը ինտեգրում է նորությունների բովանդակությունը եւ թույլ է տալիս լուրերը հրապարակել անվտանգ կերպով՝ ինչպես բովանդակության, այնպես էլ աղբյուրի ստուգմամբ: Բաշխված ռեեստրի տեխնոլոգիան բովանդակության ցանկացած փոփոխություն տեսանելի կդարձնի բոլորի համար, եւ ցանկացած նորությունը թույլ կտա ստուգել մինչեւ սկզբնաղբյուր՝ ճնշելով կեղծ տեղեկությունները, որոնք չեն հաստատվում այլ աղբյուրների կողմից:
Այնպիսի ընկերություններ, ինչպիսիք են Twitter Inc.-ը եւ Facebook Inc.-ը, մեծ ներդրումներ են կատարում այս տեխնիկայի մեջ՝ կենտրոնանալով ինքնապահպանման վրա, քանի որ վերջին տարիների ընթացքում արտաքին կարգավորման սպառնալիքը բարձրացել է վտանգավոր մակարդակների: Այլընտրանքային լրատվական կայքերն՝ իրենց դավադրության տեսություններով, COVID-19 համավարակի մասին ապատեղեկատվությամբ, ընտրակեղծիքների մասին կեղծ ապացույցներով, այս բոլորը միանգամից կվերանան իրենց հարթակներից:
Տեկտոնական տեղաշարժեր կապիտալի շուկաներում՝ թվային յուանի պատճառով
«Էլեկտրոնային վճարումների թվային միջոցը» (DCEP) բլոկչեյնի վրա հիմնված յուանի թվային տարբերակն է: 2019-ին Չինաստանում բոլոր վճարումների 80%-ը մշակվել է WeChat Pay-ի եւ AliPay-ի միջոցով: Չինաստանի ժողովրդական բանկը մտադիր է կատարել հաջորդ քայլը եւ միեւնույն ժամանակ բարելավել դրամավարկային եւ հարկաբյուջետային միջոցառումների արդյունավետությունը՝ կանխիկ փողերից հրաժարվելու եւ ֆինանսական ինկլյուզիվության ապահովման միջոցով:
Չինաստանի կապիտալի շուկաներ օտարերկրացիներին լիարժեք մուտքով ապահովելը կթուլացնի առեւտրի եւ ներդրումների համար յուանը օգտագործելու դեմ օտարերկրյա ներդրողների հիմնական փաստարկը` դրա իրացվելիության եւ ՉԺՀ-ի ներսում իրենց ներդրումներին անմիջական հասանելիության վերաբերյալ կասկածները: Միեւնույն ժամանակ, չինական արժույթի կայունությունը եւ բլոկչեյնի տեխնոլոգիային բնորոշ հետեւելիությունը եւ վերահսկելիությունը գործնականում կվերացնեն կապիտալի արտահոսքի եւ երկրից միջոցների ապօրինի դուրսբերման ռիսկը:
Այս գաղափարը լավ է համադրվում Չինաստանի «կրկնակի շրջանառության» ռազմավարության հետ, քանի որ այն մեծացնում է ներքին գործարքների մեջ թափանցիկությունը եւ խրախուսում է յուանի օգտագործումը արտասահմանյան գործերում՝ այն դարձնելով ԱՄՆ դոլարի գրավիչ այլընտրանք: Թվային յուանը կշարունակվի համարվել «չապահովված արժույթ», բայց Չինաստանի տեսանկյունից դա նույնիսկ առավելություն է, քանի որ այն թույլ է տալիս բացասական տոկոսադրույքներ «կանխիկի» համար եւ հեշտացնում է անվանական ՀՆԱ-ի թիրախավորումը:
Չինաստանի կապիտալի շուկայի բացումը եւ պահուստային կարգավիճակի համար ԱՄՆ դոլարի հետ մրցակցող արժույթի ստեղծումը կխթանեն ներքին սպառումը, բոլորովին նոր կենսաթոշակային համակարգի ֆինանսավորումը եւ երկրի կապիտալի շուկայի խորացումը:
Հեղափոխական ջերմամիջուկ
Շատ ավելի շատ էներգիա է անհրաժեշտ, որպեսզի համաշխարհային տնտեսությունը շարունակի աճել իր ռեկորդայինին թեկուզ մի փոքր մոտ տեմպերով: Նոր այլընտրանքային եւ «կանաչ» էներգետիկ տեխնոլոգիաները, մեծ մասամբ, խնդրի լուծում չեն: Աշխարհին շտապ անհրաժեշտ է էներգետիկ ոլորտում առաջխաղացում:
2021 թվականին արհեստական բանականության առաջադեմ համակարգերը լուծում են պլազմայի ֆիզիկայի ամենաբարդ ոչ գծային խնդիրները: Բացվում է միջուկային սինթեզի կոմերցիոն նպատակներով օգտագործման ճանապարհը։
2020 թվականին Մասաչուսեթսի տեխնոլոգիական ինստիտուտում հաստատված SPARC ռեակտոր նախագիծը, որը խոստանում է կրճատել միաձուլման էներգիայի գինը, կտրուկ բարելավվում է նոր AI տեխնոլոգիաների շնորհիվ: Ինժեներները փոփոխում են նախագծումը՝ առաջին միջուկային ռեակտորներից ի վեր էներգետիկ ինժեներական ամենամեծ առաջխաղացման համար: Ավելին, լայնածավալ պետական եւ մասնավոր ֆինանսավորումը թույլ կտա նոր տեխնոլոգիաների ներդրումը հաշված տարիների ընթացքում:
Ջերմամիջուկային էներգիայի օգտագործումը կվերացնի աշխարհի ջրի եւ սննդի պակասը ծովային ջրի աղազերծման եւ ուղղահայաց գյուղատնտեսության միջոցով: Մենք կտեսնենք էժան տրանսպորտի, համընդհանուր ռոբոտացման եւ ավտոմատացման աշխարհ, եւ այսօրվա երիտասարդությունը կլինի վերջին սերունդը, որն աշխատում է անհրաժեշտությունից ելնելով:
Ամենակարեւորը, որ միջուկային սինթեզի էներգիան գործնականում յուրաքանչյուր երկիր կդարձնի անկախ՝ պարենային եւ էներգետիկ առումով, կապահովի կենսամակարդակի ամենամեծ եւ արագ աճը պատմության մեջ:
Անվերապահ հիմնական եկամուտը կհանգեցնի քաղաքների ամայացմանը
Համավարակը արագացրել է տնտեսության այդպիսի շարժումը, որը, առանց այդ էլ, ավելացրել է անհավասարությունը եւ պատռել է սոցիումի պաստառը:
Ֆինանսականացումը (տնտեսության գործունեության ձեւ, որը բնութագրվում է ներքին եւ հատկապես միջազգային հարաբերությունների ընդհանուր կառուցվածքում ֆինանսական գործարքների գերակշռությամբ եւ տնտեսության իրական հատվածի ֆինանսականին ենթակայությամբ) հանգեցնում է նրան, որ մեկ անձի եկամուտներն արդեն ամբողջովին անբավարար են ընտանիք պահելու համար: Տեխնոլոգիաների, ծրագրերի, ԱԲ-ի եւ ավտոմատացման առաջընթացը նվազեցնում է աշխատավարձերը եւ ոչնչացնում աշխատատեղերը բազմաթիվ ոլորտներում: Հասարակության լիակատար ոչնչացման սպառնալիքը ստիպում է գիտակցել, որ համավարակին ի պատասխան ձեռնարկված միջոցառումները ոչ միայն խուճապային արձագանք էին, այլ անվերապահ հիմնական եկամտի (ԱՀԵ) նոր դարաշրջանի սկիզբ:
Ավելորդ աշխատատեղերի վերացումը եւ տնից աշխատանքի անցումը, որն ավելի տարածված է դարձել COVID-19-ի պատճառով, քաղաքային գրասենյակների ծանրաբեռնվածությունը հասցնում է զրոյի: Կոմերցիոն անշարժ գույքի գները անկում են ապրում, այդ թվում` խանութների եւ ռեստորանների կողմից զբաղեցրած տարածքներինը, որոնք նախկինում սպասարկում էին գրասենյակային աշխատողներին:
ԱՀԵ-ի ներդրումը փոխում է նաեւ վերաբերմունքը կյանքում աշխատանքի դերի նկատմամբ, այնպես որ շատ երիտասարդներ մնում են այնտեղ, որտեղ մեծացել են: Միեւնույն ժամանակ, մեծ քաղաքներում եւ՛ պրոֆեսիոնալները, եւ՛ ցածր որակավորում ունեցող աշխատողները սկսում են ազատվել աշխատանքից, քանի որ աշխատաշուկայում առաջարկը նվազում է, եւ դրա հետ միասին` կյանքի որակը: Քրեականացված տարածքներում նեղ բնակարանները կորցնում են իրենց գրավչությունը:
COVID-19-ի դեմ հաջող պատվաստումը կկործանի ընկերությունները
Համավարակը կտրուկ մեծացրել է համաշխարհային տնտեսության մեջ պարտքի բեռի կուտակումը, որը վտանգավոր թափ էր ձեռք բերել 2008-ի ֆինանսական ճգնաժամի ընթացքում: Իրացվելիության գործնականորեն անսահմանափակ հասանելիության եւ ֆինանսավորման պայմանների մեղմացման քաղաքականությունը պետական եւ բարձր վարկանիշ ունեցող կորպորատիվ պարտատոմսերի եկամտաբերությունը տարել է դեպի պատմական ցածր մակարդակ՝ ներդրողներին ստիպելով անցնել ռիսկային ակտիվների:
Ռիսկի հակումը աջակց օվում է նաեւ արդյունավետ պատվաստանյութի ակնկալիքով, որը պետք է նորից գործի դնի տնտեսական աճի պտույտը: Հետադարձ հայացքից, սակայն, պարզվում է, որ համավարակի ընթացքում տնտեսությունը չափազանց մեծ խթանման է ենթարկվել, եւ պատվաստումներից հետո այն շատ շուտ կտաքանա: Ինֆլյացիան աճում է, իսկ գործազրկությունն այնքան արագ է ընկնում, որ ԴՊՀ- ն թույլ է տալիս երկար գանձապետական եկամտաբերության աճել` իր հետ տանելով ավելի ռիսկային պարտատոմսեր:
Արդյունքում ֆինանսավորման պայմանները շատ արագ են խստանում, եւ ԴՊՀ-ն չի վերահսկում եկամտաբերության կորը: Կորպորատիվ դեֆոլտները հասնում են բազմամյա բարձունքների, ընդ որում՝ առաջինը կընկնեն ֆիզիկական մանրածախ հատվածի ամենաշատ պարտքերով աշխատող ընկերությունները, որոնց համար դժվար է եղել նույնիսկ առողջ նախակորնավիրուսային տնտեսությունում: