Փորձել են մտնել Բաբկեն Հարությունյանի բնակարան
Փորձել են մտնել «Հայրենիք» կուսակցության անդամ Բաբկեն Հարությունյանի բնակարան: Այս մասին NEWS.am-ին հայտնել է Բաբկեն Հարությունյանը:
Նա պատմեց, որ տան դռան փականի մեջ կոտրված բանալի են հայտնաբերել եւ տեւական ժամանակ չեն կարողացել մուտռք գործել բնակարան:
«10-15 օրվա ընթացքում այսպիսի միջադեպեր հաճախ են տեղի ունենում, այս ամենը նիկոլիզմին բնորոշ ճնշումներ են: Դա ինձ լռեցնելու մի գործիքակազմ է»,- ասաց նա:
Բաբկեն Հարությունյանը նաեւ հայտնեց, որ ինքը հրավիրել է ոստիկանների, որոնք փորձաքննություն են իրականացրել: