Շատ բավարարված եմ ՄԻՊ գրասենյակի մոտեցումից. Թող լինի ոչ թե 10 օր արձակուրդ, այլ 7, բայց պատերազմ անցած զինվորի ծառայությունը պետք է կրճատվի
Ես շատ բավարարված եմ ՄԻՊ գրասենյակի մոտեցումից. Եթե այստեղ կա որևէ մեկը, որի զինծառայող որդին վատառողջ է, մոտեցեք ՄԻՊ գրասենյակ: Այս մասին, այսօր՝ նոյեմբերի 30-ին, Կառավարության դիմաց Արցախում ծառայող զինվորների հարազատների ակցիայի ժամանակ դիմելով հավաքվածներին նշեց ծնողներից մեկը, որ նոր էր վերադարձել ՄԻՊ գրասենյակից:
«Մենք նաեւ հարցեր բարձրարեցինք: Օրինակ, եթե զինվորին տալիս են 10 օր արձակուրդ, ապա դա պետք է լինի առանց ճանապարհաժամանակի, որովհետեւ մեկ օր գնում է, մեկ օր գալիս: Ես համոզված եմ, որ զինվորները բոլորն էլ ունեն խնդիրներ: Մեզ պետք են հստակ երաշխիքներ, իսկ ՊՆ-ն սկզբում ասում է 10 օր, հետո դառնում է 7 օր: Լավ, համաձայն ենք, թող լինի 7 օր, բայց պատերազմ անցած զինվորի ծառայությունը պետք է կրճատվի: Հունվարին զորացրվող զինվորների հարցն էլ ենք բարձրաձայնել: «Եղնիկներում» գտնվողները կապի միջոց չունեն, դա էլ ենք բարձրաձայնել»,-ասաց նա՝ հավելելով, որ բարձրաձայնել են նաեւ հարցը, որ պատերազմին մասնակցած բոլոր զինվորները փոխարինվեն ՀՀ-ում ծառայություն անցած զինվորներով»: