Մենք չենք կարող ձեռքերս ծալած նստենք, պետք է մեր որդիներին, մեր հայրերին ու եղբայրներին տիրություն անենք. Արսեն Գրիգորյան
Ազատության հրապարակից մեկնարկել է մտավորականների, արվեստագետների ակցիան, որն ուղղված է Հայաստանում տարբեր մանդատներով գործունեություն իրականացնող միջազգային կառույցներին, այդ թվում դեսպանատներին: Երթի մասնակցիներն այսօր քայլերթով գնացին ՌԴ դեսպանատան մոտ: Երթին մասնակից երգիչ Արսեն Գրիգորյանն ասաց, որ ինքը երթին մասնակցում է, երեկ էլ ակցիային մասնակցում էր, որպեսզի տիրություն անեն գերիներին, անհետ կորածներին ու զոհված զինծառայողների դիերը հանձնեն իրենց ծնողներին:
«Մեր լավագույն զավակներն այսօր թուրքերի ձեռքերում են: Քարվաճառում թուրքի ոտք չէր մտել, միգուցե մենք դա պահեինք, և տայինք գերիների վերադարձից հետո: Մենք պետք է տիրություն անենք այդ զինվորներին, ինչպես իրենք մեզ: Ես չգիտեմ մեր քայլերն ինչքան օգուտ կտան հարցի լուծմանը, բայց մենք չենք կարող ձեռքերս ծալած նստենք, պետք է մեր որդիներին, մեր հայրերին ու եղբայրներին պետք է տիրություն անենք»:
Հարցին, թե հիմա իր որդին Արցախո՞ւմ է, Արսեն Գրիգորյանն ասաց, որ նա պատերազմի ժամանակ ՀՕՊ-ում էր, և դեռ շարունակում է գտնվել Արցախում.«Իմ որդին Արցախում է մինչև հիմա էլ, ՀՕՊ-ում է, և սպասում ենք, թե ինչ է լինելու: Ընդհանրապես մեր տղաները քաջաբար կռվել են, և իրենք այս ամենից հետո իրենք մի փոքր արձակուրդի կարիք ունենք, բերենք տուն, որպեսզի կարողանանք մեր մեջքը ուղղել, բանակն իր մեջքը ուղի, որպեսզի հասկանանք, թե ինչ ենք անելու»:
Ինչ վերաբերում է հասարակության արձագանքին, Արսեն Գրիգորյանն ասաց, որ հասակարությունը երկու մասի է բաժանվում՝ սոցիալական ցանցներում ու դրսում.«Ես ուզում եմ կրկին պատերազմից առաջվա համախմբումը, միասնականությունը տեսնել, ես ուզում եմ դա վերականգնել և դա մեր ձեռքերում է, ոչինչ չի խանգարում, պարզապես պետք է հասկանալ, որ օրինակ, միասնականության շնորհիվ մենք կկարողանանք գերիների հարցը լուծել: Մեզ ոչինչ չի խանգարում, որ մենք մտածենք, որ հայ զինվորը, որտեղ էլ լինի, մեր՝ յուրաքանչյուրիս երեխան է»:
Մանրամասները՝ տեսանյութում: