Մեկ ամսվա գնացած երեխաները սեպտեմբերի 27-ից դիրք են պահել․ ժամկետային զինծառայողի մայր

Ինչպես արդեն հաղորդել էինք,  այսօր` նոյեմբերի 26-ին, Պաշտպանության նախարարության շենքի դիմաց կրկին բողոքի ակցիա էր:

Պատերազմից հետո զինվորներն անկայուն հոգեբանական վիճակում են, հյուծված են, բայց ապահովված չեն հանգստով, մինիմալ պայմաններով, բուժզննմամբ։ Բողոքի ակցիայի ժամանակ լրագրողների հետ զրույցում նշեց ժամկետային զինծառայողի մայրը։

«Երեխաները 45 օր պայքարել են՝ մահվան աչքերին նայելով։ Մենք բոլորս ընդունում ենք, որ իրենք ծառայող են, պարտավոր են։ Մեկ ամսվա գնացած երեխաները սեպտեմբերին 27-ից դիրք են պահել։ Ես տվյալներն ունեմ փաստացի։ Պատերազմից հետո իրենք բոլորը շատ անկայուն հոգեբանական վիճակում են, հյուծված են։ Արցախի նախագահ Արայիկ Հարությունյանն ասել է, որ ամբողջ բանակը տառապում է կորոնավիրուսով, թութքով, դիզենտերիայով։

Եթե անգամ իրենք են դա շեշտում, ինչո՞ւ մինչև հիմա մեր երեխաները ապահովված չեն հանգստով, մինիմալ պայմաններով, բուժզննմամբ։ Մենք ոչ մի ֆինանսական աջակցություն չենք ուզում որևէ պետական ատյանով։ Մենք պատրաստ ենք մեր երեխաներին տանել բուժզննման, ապահովել իրենց հանգիստը։ Գոնե 20–օրյա ժամկետով հանգիստը ապահովեք մեր երեխաների համար, որ մեր երեխաներին կարգի բերենք։ Հետագա ծառայությունը ինչպես կկազմակերպվի, արդեն համապատասխանան մարմինները կորոշեն», -պատմեց նա։

Այս թեմայով՝ 

44 օր այս արհավիրքով անցնելուց հետո երեխաները հիմա գնում են բանվորություն անելու. ժամկետային զինծառայողի մայր

Զինվորները քնում են անտառային կենդանիների ու փտած դիակների կողքին. տղաս ասում է՝ «մամ, մեզ բոլորը մոռացե՞լ են». զինծառայողի մայր