на Русском
Կառավարության նիստ․ Ուղիղ 
«Լադանիվա» խմբի անդամներն այցելել են Ծիծեռնակ... 
«ՄԱԿ-ի ԱԽ-ի շրջանցմամբ ընդունված միակողմանի պատժամիջոցները խախտում են մարդու իրավունքները և մեծ վնաս հասցնում երկրներին»․ ՄԱԿ-ի ներկայացուցիչ
ՄԱԿ-ի Անվտանգության Խորհրդի շրջանցմամբ ընդունված միակողմանի պատժամիջոցները խախտում են մարդու իրավունքները և խանգարում կորոնավիրուսի համավարակի դեմ երկրների պայքարին: Այս մասին նախօրեին հայտնել է ՄԱԿ-ի հատուկ զեկուցող Ալեն Դուհանը՝ ելույթ ունենալով Ռուսաստանի, Չինաստանի, Սենտ Վինսենթ և Գրենադինների, Նիգերի և ՀԱՀ-ի նախաձեռնությամբ հրավիրված ՄԱԿ-ի Անվտանգության խորհրդի ոչ պաշտոնական հանդիպմանը, փոխանցում է ՏԱՍՍ-ը։
«Միակողմանի պատժամիջոցների հասցրած հումանիտար վնասը հսկայական է։ Դրանք անդրադառնում են տնտեսական, սոցիալական և քաղաքացիական իրավունքներին, այդ թվում՝ զարգացման իրավունքին»,- նշել է նա։
Դուհանի խոսքով՝ նման միջոցառումները խախտում են այն երկրների քաղաքացիների մի շարք հիմնական իրավունքները, որտեղ տարածվում են պատժամիջոցները։
«Դրանցից մեկը առողջության իրավունքն է, քանի որ տուժած երկրներից շատերը չունեն բավարար բժշկական միջոցներ, սարքավորումներ և անձնակազմ COVID -19-ի և այլ հիվանդությունների բուժման համար», - նշել է ՄԱԿ-ի ներկայացուցիչը:
Նա նաև հիշեցրել ՄԱԿ-ի գլխավոր քարտուղարի՝ համավարակի ժամանակ միակողմանի պատժամիջոցները դադարեցնելու վերաբերյալ կոչը։
Հանդիպմանը մասնակցած Եվրամիության ներկայացուցիչն ի պատասխան հայտարարել է, որ «ԵՄ բոլոր պատժամիջոցները կիրառվում են այն կառավարությունների նկատմամբ, որոնք խախտում են մարդու իրավունքները»:
