Ես համոզված եմ, որ նոր բանակցողը կարող է փոփոխություն մտցնել ստորագրված փաստաթղթում. Կիմ Բալայան

Յուրաքանչյուր բանականություն ունեցող մարդ պետք է մտածի, որ ինքը պարտավոր է օրինական ճանապարհով շարժվել եւ իրավաչափ գործողություններ կատարել: Այս մասին այսօր՝ նոյեմբերի 25-ին, կառավարության դիմաց լրագրողների հետ զրույցում ասաց Նիկոլ Փաշինյանի հրաժարականի պահանջով հացադուլ հայտարարած ՍԴ նախկին անդամ Կիմ Բալայանը:

«հիմա եթե իմ հացադուլ սլսելուց, պահանջներ ներկայացնելուց առաջ ՀՀ գլխավոր դատախազը չի մտածում իրավաչափ գործողություն կատարել, այսինքն Նիկոլ Փաշինյանի նկատմամբ քրեական վարույթ հարուցել, դա նշանակում է՝ ինքը չի մտածում, որ Նիկոլ Փաշինյանը մշտական չէ, դրանից հետո ինքը պետք է քրեական պատասխանատվության ենթարկվի անգործություն ցուցաբերելու համար»,-ասաց նա:

Կիմ Բալայանի խոսքով, այս պայմաններում ԱԺ-ն նախ պետք է ռազմական դրությունը վերացնի, քանի որ վարչապետի հրաժարական չի կարող պահանջվել առանց ռազմական դրությունը վերացնելու. «Ռազմական դրությունը պետք է վերացվի եւ ընդունի վարչապետի հրժրականը: Այլ ելք ես չեմ տեսնում: Կարծում եմ՝ յուրաքանչյուր մարդ, ով մի քիչ ազգային մտածողություն ունի, այլ ձեւով շարժվել չի կարող»:

Հարցին, թե նոր բանակցողը կարո՞ղ է որեւէ փոփոխություն մտցնել ստորագրված փաստաթղթում, նա պատասխանեց. «Ես միանշանակ համոզված եմ՝ այո: Նոր բանակցողը կարող է, եւ ես մտավախություն ունեմ, որ այս իրավիճակը, որ ստեղծվել է, նաեւ այն փոխհարաբերությունների հետեւանքն է, որը Նիկոլ Փաշինյանը ստեղծել է այս 2,5 տարում:

Փաստաթուղթը ամբողջությամբ չեղարկելու մասին հնարավոր չի այսօր խոսել, որովհետեւ նախ զինադադարի կարող էին համաձայնվել առանց միջազգային պայմանագիր կնքելու: Բայց միջազգային պայմանագրի մյուս բոլոր կետերը պետք է պարտադիր կարգով վավերացման գործընթաց ունենային: Տեսեք, Պուտինը Արցախ խաղաղարար զորք ուղարկելու համար մտավ Դումա եւ օրինական ճանապարհով թույլտվություն վերցրեց: Մեր պետությունը, որ պետք է պարտադիր ԱԺ-ում համաձայնություն ստանար, դա էլ տեղի չի ունեցել: Այսինքն սահմանադրական կարգի խախտման բազմաթիվ կետեր կան, բոլոր այդ կետերը ենթակլա էին քննարկման միջազգային պայմանագրի նորմերին համապատասխան»:

Կիմ Բալայանը համոզմունք հյատնեց, որ ՍԴ-ն միանշանակ համաձայնություն չէր տաայս պայմանագրին, որը որպես հայտարարություն է ընդունվել. «Որովհետեւ եթե տարածքային խնդիր է քննարկվում, Սահմանադրությունը նախատեսում է, որ այդ հարցը պետք է հանրաքվեով լուծվի, եւ ոչ թե ԱԺ-ի կողմից վավերացման միջոցով»: