Ալեքսանդր Լուկաշենկոն նոր դեսպաններին հանձնարարել է պահպանել լավ հարաբերությունները Երևանի ու Բաքվի հետ

Բելառուսի նախագահ Ալեքսանդր Լուկաշենկոն Հայաստանում եւ Ադրբեջանում հանրապետության նոր դեսպաններին հանձնարարել է պահպանել լավ հարաբերությունները այդ երկրների հետ:

Նշենք, որ Լուկաշենկոն պաշտպանության նախկին նախարար եւ անվտանգության խորհրդի պետքարտուղար Անդրեյ Ռավկովին դեսպան է նշանակել Ադրբեջանում, իսկ նախկին գլխավոր դատախազ Ալեքսանդր Կոնյուկին՝ Հայաստանում:

«Ցանկացած ժամանակ, Անդրեյ: Թեեւ դու գեներալ ես, բայց, այնուամենայնիվ: Ցանկացած պահի,- դիմել է պետության ղեկավարը Անդրեյ Ռավկովին,- Իհարկե, ես տեղեկացել եմ, երբ համաձայնեցնում էի թեկնածությունը: Կարծում եմ, որ պաշտպանության նախարարը, իսկ այնտեղ պատերազմը նոր է ավարտվել, եւ նա գնում է Ադրբեջան: Եվ ինչի՞ համար է Լուկաշենկոն, ինչու՞ է նա այդպիսի տրամաչափի գեներալին ուղարկում այնտեղ, սա ինչ դիրքորոշում է․․․»։

Լուկաշենկոն հավաստիացրել է, որ այս որոշումներում կուլիսային մտքեր չկան: «Մենք շատ լավ, սերտ հարաբերություններ ենք պահպանում Ադրբեջանի հետ: Դու գիտես դա։ Եվ մենք պետք է լավ հարաբերություններ պահպանենք Ադրբեջանի հետ»,- ասել է նա: Միեւնույն ժամանակ, նա ընդգծել է, որ Բելառուսը Հայաստանի հետ նույնպես հիանալի հարաբերություններ ունի, հայտնում է BԵԼՏԱ-ն:

«Պահպանեք այս հարաբերությունները եւ այնպես արեք, որ մեզ ոչնչի մեջ չկասկածեն: Սրանք երկու հանրապետություններ են, որոնք ապագայում պետք է խաղաղ ապրեն: Մենք շատ լավ հարաբերություններ ենք պահպանել եւ կպահպանենք Երեւանի եւ Բաքվի հետ: Դե, այդպես է պատահել, ինչ կարող ես անել, կարող ես կարեկցել: Եվ մարդիկ մահացան: Բայց, փառք աստծո, որ գոնե թեժ պատերազմն ավարտվեց: Ուստի մենք պետք է դրանից ելնենք»,- ասել է Ալեքսանդր Լուկաշենկոն: