Եթե Փաշինյանը շուտափույթ հրաժարական տա, մենք խոստանում ենք՝ չենք զբաղվի ակտիվ քաղաքականությամբ. Շարմազանովը երեկ Ազատության Հրապարակում
Ովքեր այս սրբազան պայքարը ներկայացնում են որպես հների իշխանության համար պայքար, լկտիաբար ստում են. սա նիկոլական հերթական էժանագին մուտիլովկան է: Այս մասին երեկ՝ նոյեմբերի 18-ին, Ազատության հրապարակում Նիկոլ Փաշինյանի հրաժարականի պահանջով հանրահավաքի ժամանակ նշեց ՀՀԿ խոսնակ Էդուարդ Շարմազանովը:
«Այո, ես ունեցել եմ բազամթիվ սխալներ, եղել եմ ՀՀԿ-ի սիմվոլներից մեկը, այսօր էլ չեմ հրաժարվում ու հպարտանում եմ դրանով: Գիտե՞ք ինչու, որովհետեւ Նիկոլի նման չեմ կզել թուրքի առաջ, որովհետեւ հողատու չեմ եղել:
Մեր սխալներով, մեր թերություններով, միգուցե սխալներով հանդերձ, իմ միգուցե մեծամտությամբ հանդերձ, ձեզնից շատերը, մեր ժողովուրդը դժգոհ է եղել մեր կառավարումից: Ես որպես առաքելական մարդ, ձեր առջեւ ասում եմ՝ կներեք մեզ ժողովուրդ ջան մեր սխալների համար: Բայց ես այսօր կանգնած եմ այստեղ բաց ճակատով, որովհետեւ դավաճան չեմ, հող չեմ հանձնել, որովհետեւ իմ թիմակիցները ապրիլյան պատերազմի ժամանակ 4 օրում կանգնեցրել են պատերազմը: Որովհետեւ մեր ժամանակ Ալիեւն էլ բողոքում, որ իրեն ճնշում են ճանաչել Արցախի անկախությունը: Հիմարաբար ստում են, թե Սերժ Սարգսյանն ուզում է հետ գալ: Այ հիվանդ, այ ստախոսներ, Սերժ Սարգսյանն իր բոլոր սխալներով հանդերձ, երբ տեսավո, որ հայ ժողովուրդը չի ցանկանում իրեն տեսնել իշխանության ղեկին, ինքնակամ հեռացավ, առանց արյան հեռացավ, արժանապատիվ ու առանց պայմանավորվածությունների հեռացավ: Նա ապացուցեց, որ ի տարբերություն քեզ, աթոռը մեզ համար նպատակ չէ:»,-հայտարարեց նա:
«Ճիշտ է դրա լիազորությունը չունեմ, բայց պետք է ասեմ. եթե կուզեք իմանալ, մեր կուսակցության նախագահն այսօր ապրում է իր կյանքի ամենողբերգական ու ծանրագույն օրերը: Ամենամեծ ողբերգությունը նրա հմար ու նրա մարտական ընկերների համար, որ այսօր ապիկար, սխալ քայլերի արդյունքում քանդվել է Հայաստանը, քանդվել է հայոց բանակը: Մեկ գիշերվա ընթացքում թաքուն ստորագրվել է կապիտուլյացիայի ակտ: Մեզնից գողացել են արցախյան հաղթանակը, մեր երազանքը:
Մենք նպատակ չունենք գալ իշխանության մենք պատրաստ ենք սատարել վաղվա իշխանությանը, որը պատրաստ է արժանապատիվ ներկայացնել Հայաստանի ու Արցախի շահերը: Հայրենիքի փրկությունը պետք է սկսվի այս հողատուի, այս ստահակ դավաճանի հեռացումով:
Եթե Նիկոլ Փաշինյանը շուտափույթ ինքնակամ հրաժարականի դիմում ներկայացնի ես եւ իմ շատ ընկերներ կարող ենք պաշտոնապես հայտարարել, որ չենք զբաղվի ակտիվ քաղաքականությամբ: Կեցցե այն Հայաստանը որը վաղն է գալու»,-հյտարարեց Շարմազանովը: