Նիկոլ Փաշինյանի և նրա ռեժիմի կողմից ստեղծված Ֆեյքային Հայաստանի ավարտին մնացել են հաշված օրեր. Մանուել Մանուկյան
Նիկոլ Փաշինյանի եւ նրա ռեժիմի կողմից ստեղծված եւ քաղաքացիներից գողացված փողերով ֆինանսավորված Ֆեյքային Հայաստանի ավարտին մնացել են հաշված օրեր: Այս մասին facebook-ի իր էջում գրել է «Ոչ վարկային թալանին» նախաձեռնության ղեկավար Մանուել Մանուկյանը:
Նա, մասնավորապես, նշել է. «Բոլոր նրանք, ովքեր վերջին երկուսուկես տարիների ընթացքում իշխանության հայտնի անձանց ուղիղ հրահանգով, ֆեյքային հարձակումների միջոցով վարկաբեկել, նվաստացրել, անպատվել եւ հետապնդել են ընդդիմախոսներին կրելու են իրենց արժանի պատիժը` իրավական եւ բարոյական հարթություններում:
Միամիտ չլինեք` ենթադրելով, որ թաքնվելով տարբեր տեսակի նկուղներում եւ գաղտնիացնող տեխնիկական համակարգերի հետեւում Ձեզ կհաջողվի խուսափել պատասխանատվությունից: Ձեր գործունեության ամբողջ ընթացքում ձեր արարքները արձանագրված եւ փաստագրված են, ինչպես նաեւ հավաքագրված եւ պահպանված են տվյալներ ձեր իսկ տեղակայման վայրերից` ինտերնետի տռաֆիկի ծավալների ուսումնասիրության, սարքավորումների եւ այլ տեխնիկական տվյալներ: Բոլորիդ գտնելը հեշտ է լինելու:
Բացի այդ, իշխանական ֆեյքերի տարբեր խմբերում ներգրավված առանձին անհատներ համագործակցել են ֆեյքաբուծարանների հետ` ծայրահեղ կարիքից դրդված կամ մոլորության մեջ գտնվելով: Նրանցից շատերը միաժամանակ գիտակցել են պատասխանատվության անխուսափելիությունը եւ ստեղծված իրավիճակում մեղքը մեղմելու նպատակով արդեն իսկ տրամադրել են տվյալներ` ներգրավված մարդկանց, նրանց ղեկավարների, հրահանգավորման ձեւերի եւ բանաձեւերի հետ կապված, որոնք լիարժեք բացահայտում են ստի ու կեղծիքի կայսրությունը, որ ստեղծվել է Նիկոլ Փաշինյանի եւ նրա կամակատարների ուղիղ հրահանգով եւ մասնակցությամբ եւ ֆինանսավորվել է հարկատուների միջոցների եւ իշխանամետ օլիգարխների կոռուպցիոն եկամուտների հաշվին:
Մեր հայրենակիցներից գողացվել են փողեր, որոնք ծախսվել են այլակարծության ճնշման, ժողովրդի լայն զանգվածներին վախեցնելու, մոլորեցնելու եւ մանիպուլացնելու վրա, ինչպես անցած երկուսուկես տարիների ընթացքում, այնպես էլ պատերազմի օրերին: Մեր հայրենակիցներից ֆեյք իրականության միջոցով գողացվել է ներկան եւ ապագան: Սկսած Դեմիրճյան փողոցի վրա գտնվող պանելային շենքում տեղակայված եւ «ռուպռ բռնողի» ու իր զուգընկերոջ՝ Նիկոլի «վարորդի» կողմից տնօրինվող ֆեյքաբուծարանից, Օրբելի փողոցում գտնվող հայտնի Հովիկի ֆեյքերի ՊՈԱԿ-ով, Արշակունյաց 2 հասցեում գտնվող շենքում, տխրահռչակ Նիկոլի սպասարկու անհայրենիք եղբայրների հոր առանձնատան առաջին հարկով, հանրությանը շատ հայտնի օլիգարխների կողմից ֆինանսավորվող եւ իմ քայլի բարձրաստիճան միջոցով կառավարվող, Արարատ Միրզոյանի, Ալեն Սիմոնյանի եւ նրա գործակալ Տարոն Չախոյանի, ինչպես նաեւ մի շարք այլ ֆեյքերի ֆերմաների տեղերը (այդ թվում նախկին) եւ տերերը հայտնի են անուն առ անուն:
Կոչ եմ անում ձեզ, եւ ուշադրությունն եմ հրավիրում ձեր հարազատների եւ ծնողների, որ հորդորեն ձեզ այսօր մինչեւ ժամը 23:00-ն դադարեցնել ձեր կողմից իրականացվող ապազգային եւ հակապետական գործողությունը, հակառակ դեպքում պատասխանատվությունը լինելու է շատ խիստ եւ պատիժը անխուսափելի։
Հարգելի Հայրենակիցներ, ես որպես առաջնագծում վիրավորված տղա, ականատես եմ լինում զոհված եւ վիրավոր տղերքի հասցեին ուղղված սպառնալիքների, պիղծ բառերի եւ վիրավորանքների։ Ես պայքարելու եմ զոհված տղերքի մայրերի ազատ խոսքի եւ պահանջի համար։ Այսօր 22։30 շատ կարեւոր փաստեր կներկայացնեմ, շատ կարեւոր հիմնավորումներ եւ բոլորիդ կոչ եմ անում աջակցել ինձ, որ սկսենք մեր մեծ պայքարը ընդդեմ մեր փողերով մեզ կեղծ էջերով անտպատվողների։