Խորհրդարանը նիստ է գումարել. այն սկսվեց մեկ րոպե լռությամբ. Օրակարգում 9 հարց է (Տեսանյութ)
Հայաստանի Ազգային ժողովն այսօր՝ հոկտեմբերի 27-ին, գումարել է իր հերթական քառօրյան, որի օրակարգում ընդգրկված է 9 հարց:
ԱԺ նիստը սկսվեց մեկ րոպե լռությամբ. «Մեկ րոպե լռությամբ հարգենք մարտի դաշտում ընկած մեր զինվորների հիշատակը. Խոնարհում եւ հավերժ հիշատակ նրանց սխրագործությանը: Ինչպես նաեւ հարգենք «հոկտեմբերի 27»-ի ոճրագործության զոհերի հիշատակը»,-ասաց նիստը վարող ԱԺ փոխխոսնակ Լենա Նազարյանը:
Օրակարգում ընդգրկված են հետեւյալը հարցեր.
* «Բանկային ավանդների ներգրավման մասին» օրենքում փոփոխություններ եւ լրացում կատարելու մասին,
* Հայաստանի Հանրապետության հարկային օրենսգրքում փոփոխություն կատարելու մասին
* «Բանկերի, վարկային կազմակերպությունների, ներդրումային ընկերությունների, ներդրումային ֆոնդի կառավարիչների եւ ապահովագրական ընկերությունների սնանկության մասին» Հայաստանի Հանրապետության օրենքում փոփոխություններ կատարելու մասին
* «Պետական գույքի մասնավորեցման 2017-2020 թվականների ծրագրի մասին» օրենքում փոփոխություն կատարելու մասին
* Հայաստանի Հանրապետության եւ Վերակառուցման եւ զարգացման միջազգային բանկի միջեւ 2020 թվականի ապրիլի 21-ին ստորագրված «Սոցիալական ներդրումների եւ տեղական զարգացման ծրագրի համար լրացուցիչ ֆինանսավորում» վարկային համաձայնագիրը վավերացնելու մասին
* Հայաստանի Հանրապետության եւ Վերականգնման վարկերի բանկի միջեւ «Համայնքային ենթակառուցվածքների ծրագիր II, փուլ 3 - մասհանման ժամկետի երկարաձգում» նամակ-համաձայնագիրը վավերացնելու մասին
* Հայաստանի Հանրապետության եւ Վերականգնման վարկերի բանկի միջեւ 2020 թվականի հուլիսի 1 -ին ստորագրված «Կովկասյան էլեկտրահաղորդման ցանց III (ծրագրի 2-րդ փուլ). Հայաստան-Վրաստան հաղորդիչ գիծ/ենթակայաններե վարկային համաձայնագրի մասհանումների ժամկետի երկարաձգում եւ հետվճարման փոփոխված ժամանակացույց» նամակ-համաձայնագիրը վավերացնելու մասին
* Հայաստանի Հանրապետության եւ Վերականգնման վարկերի բանկի միջեւ 2020 թվականի հունիսի 22-ին ստորագրված «Գերմանական ֆինանսական համագործակցություն Հայաստանի Հանրապետության հետ. «Ջրային ռեսուրսների համալիր կառավարում/Ախուրյան գետ - փուլ 1» - մասհանման ժամկետի երկարաձգում» նամակ-համաձայնագիրը վավերացնելու մասին,
* Հայաստանի Հանրապետության կառավարության եւ Ճապոնիայի կառավարության միջեւ «Տնտեսական եւ սոցիալական զարգացում» դրամաշնորհի տրամադրման համաձայնագիրը վավերացնելու մասին:
Նշենք, որ Ազգային ժողովի այսօրվա՝ հոկտեմբերի 27-ի նիստը 20 րոպեով հետաձգվել է այն պատճառով, որ ոչ մի կերպ չի հաջողվել քվորում ապահովել։
Խորհրդարանականները սկզբում մեկ րոպե լռությամբ հարգել են Արցախի զոհված մարտիկների, ինչպես նաեւ 1999 թվականի ահաբեկչական հարձակման զոհերի հիշատակը։ Այդ ժամանակ Հայաստանի խորհրդարան էր ներխուժել զինված խումբը եւ դիմահար գնդակահարել երկրի քաղաքական ղեկավարությանը՝ հանրապետության վարչապետին, Ազգային ժողովի նախագահին, փոխնախագահներին եւ պատգամավորների։ Հարձակմանն ընդհանուր զոհ էր գնացել 8 մարդ։
Այնուհետեւ քվորում ապահովելու երկու անհաջող փորձից հետո, հայտարարվել է 20 րոպեանոց ընդմիջում։