Մոսկվայում 6-11-րդ դասարանների աշակերտները կանցնեն հեռավար ուսուցման

Մոսկվայի դպրոցների ավագ դասարանների աշակերտները հոկտեմբերի 19-ից մինչեւ նոյեմբերի 1-ը հեռավար ուսուցման կանցնեն կորոնավիրուսի հետ կապված իրադրության պատճառով, տարրական դասարանների աշակերտները (առաջինից մինչեւ հինգերորդ) կշարունակեն առերես ուսուցումը: Այդ մասին հետեւում է Մոսկվայի քաղաքագլուխ Սերգեյ Սոբյանինի հրամանագրից, որը հոկտեմբերի 14-ին հրապարակվել է մայրաքաղաքի քաղաքապետարանի կայքում:

Այսպիսով, 6-11-րդ դասարանների աշակերտները երկշաբաթյա արձակուրդներն ավարտվելուց հետո կանցնեն հեռավար ուսուցման: Դրա հետ մեկտեղ՝ հոկտեմբերի 19-ից վերսկսվում է 1-5-րդ (ներառյալ) դասարանների սովորողների հաճախումը դպրոցներ: Դա վերաբերում է այն կրթական կազմակերպություններին, որոնց հիմնադրի գործառույթները եւ լիազորությունները իրականացնում են Մոսկվա քաղաքի գործադիր իշխանության երկու մարմինները:

Մասնավոր դպրոցներին եւ մարզադպրոցներին նույնպես հանձնարարված է ավագ դասարանցիների համար պարապմունքներն անցկացնել հեռավար ձեւաչափով: Բացի այդ, հոկտեմբերի 19-ից մինչեւ նոյեմբերի 1-ը սովորողների համար արձակուրդները սահմանվում են լրացուցիչ կրթական ծրագրերով, նաեւ կասեցվում է մանկական ժամանցային կենտրոնների եւ խմբակների աշխատանքը: Հրամանագրի համաձայն, ավագ դասարանների սովորողների համար սոցիալական քարտերի գործողությունը կասեցվում է մինչեւ նոյեմբերի 1-ը, հաղորդել է «Ինտերֆաքս»-ը: